粗菜館

營業中

休息中

粗菜館屹立九龍城三十幾年嘅粗菜館，就係憑手藝吸引客人，雖然我住嘅區域都幾遠，但我每年都必定約朋友嚟食幾次，皆因佢哋永遠都保持水準，好食嘅嘢食好多次都未叫齊，咁梗係要經常嚟啦今日例湯係西洋菜煲豬踭肉湯，就算得兩個人都好，千祈唔好叫兩碗就算，飲細煲啦，單係上菜揭開湯蓋，熱騰騰嘅蒸氣湧出嚟嗰種澎湃，睇都已經值回票價！用煲上除咗多咗湯之外，湯渣都係好食到不得了，煲完湯嘅肉味都係好香呢度樣樣嘢都係色香味俱全，你以為好簡單嘅凉瓜炒鮮牛肉，其實係好精心製作，涼瓜保持甘香，炒得翠綠，咬口極佳，鮮牛肉片每片都大大塊，好入味一啲都唔韌口，而且成個餸一啲都唔覺得油膩仲有一個重點，就係呢度每一個菜式，都係高性價比，例如呢個豉汁籠仔蒸大鱔，冇錯，就係比大大件嘅厚切鱔肉你，唔係嗰啲比幾塊鱔片就收成百蚊嘅店可以媲美，豆豉嘅份量，亦都係剛剛好襯托得到鱔塊，唔會搶味，蒸嘅火候亦都剛剛好，用荷葉同籠仔蒸，令到蒸鱔嘅脆口感完全發揮出嚟，冇得頂招牌炒豬什，都係我每次嚟食嘢必點嘅餸菜，一來呢度用薑蔥炒，除咗辟腥之外，薑蔥本身都極之爽口，夾住豬什一齊食，口感非常豐富，二來豬什嘅味道，真係搵唔到第二度可以相比，又入味又有咬口完全冇