花園餐廳 (已結業)

返工返左半日，終於等到食午飯，一大班人一齊出去食飯，最煩腦就係仲有邊間餐廳有位坐，最後決定去花園餐廳，之前食過都通常仲有位，加上餐廳夠大間，坐位多，適合一大班人。午餐今日選擇黑椒雞扒＋漢堡肉跟意粉，首先即來個餐包，同埋羅宋湯，餐包有加熱番叮，所以配湯都唔差，羅宋湯好足料，又夠熱，不過就差左啲辣味主菜雞扒煎得幾香，雞皮有少少脆，而肉仲係嬾滑，配上黑椒汁變得食落唔會大乾身，同埋意粉本身都無乜味，都要黑椒汁撈埋來食，先會較好食，另外塊漢堡肉就無乜特別，最後飲埋杯咖啡。見到隔離枱食鐵板餐，份量都幾多，加上鐵板熱辣辣，好吸引，下次要試下