紅堂 (已結業)

第一次寫負評係要寫俾呢間野聽朋友推介黎呢到食，話好好味全晚啲野食係好味既，猶其係龍躉幾新鮮但最唔滿意係鋪頭既服務態度。我地次次舉手叫人都搵唔到人黎到搵到既時候又問完話陣間過黎之後又無回覆，樣樣野都要追幾次先得。到埋單個陣我地枱仲有幾樣野無黎，咁個經理就話幫我地追，追到差唔多10點啲野先到齊，我地一淥曬啲野落去，個經理即刻行埋黎話要趕人走閂鋪，我地話啱啱落唔想曬野，佢就企左係你張枱隔離望住你，又係到chur你走人，俾說話我地聽，係到問：你地唔驚嫁，10點喇喎我地公司俾人罰無所謂呀，但你地位位要5000蚊喎。個一刻我地燥左，你幫我追單追到最後一刻先到齊，等佢熟都要時間架，你要收鋪咪cut單囉，好過咁樣浪費曬d食物呢間鋪其實唔平，但我覺得俾唔到同樣質素既服務。所以結論係食一次係可以，但唔會有下一次。