影片
更多
2022-09-09
600 瀏覽
今日放咗工，就同老公出街食飯慶祝🪅looong weekend！哩個假期真係期待已久，要認真賀一賀佢🍻。我哋揀咗去屋企附近Goobne食炸雞🍗，我老公嘅至愛❤️。好好彩好快有位，不過裡面環境同舒適度真係好一般，坐得好迫，隔離枱（前後左右）講咩都完全聽到晒👂🏽，同埋完全係無位俾你放手袋👜。平時我哋會揀🌋火山烤雞，超超超火辣惹味🌶，但最近喉嚨有少少痛，所以安全起見，最後叫咗微辣嘅甜辣烤雞同果味醬油蒜香🧄烤雞（半半，有骨）$238。雖然唔算抵食，但佢哋嘅醬汁味道真係一流！雞肉嫩滑有彈性，肉汁豐富，因為烤製，所以唔會油淰淰，但略嫌今晚啲雞皮烤得有點硬。甜辣醬係我同老公第二最愛，香甜開胃，但其實唔係好食到有辣味，雞上面加咗杏仁碎，感覺好健康😀。果味醬油蒜香醬都唔錯，都係甜甜哋，中間有淡淡豉油味，蒜味唔太出。整體嚟講，烤雞質素令人滿意👍🏽。
我哋揀咗去屋企附近Goobne食炸雞🍗，我老公嘅至愛❤️。好好彩好快有位，不過裡面環境同舒適度真係好一般，坐得好迫，隔離枱（前後左右）講咩都完全聽到晒👂🏽，同埋完全係無位俾你放手袋👜。
平時我哋會揀🌋火山烤雞，超超超火辣惹味🌶，但最近喉嚨有少少痛，所以安全起見，最後叫咗微辣嘅甜辣烤雞同果味醬油蒜香🧄烤雞（半半，有骨）$238。
雖然唔算抵食，但佢哋嘅醬汁味道真係一流！雞肉嫩滑有彈性，肉汁豐富，因為烤製，所以唔會油淰淰，但略嫌今晚啲雞皮烤得有點硬。甜辣醬係我同老公第二最愛，香甜開胃，但其實唔係好食到有辣味，雞上面加咗杏仁碎，感覺好健康😀。果味醬油蒜香醬都唔錯，都係甜甜哋，中間有淡淡豉油味，蒜味唔太出。
整體嚟講，烤雞質素令人滿意👍🏽。
張貼
