Goobne Chicken (屯門時代廣場北翼)

一支公，又好耐無食過烤雞，而且個午餐烤雞有十個口味可揀，確實吸引，相比假日個餐牌要幾百蚊一份，平日午餐抵好多。洛神花茶唔甜，淡到無乜洛神花味。凱撒沙律充滿芝士碎，麵包粒脆口，一啲都唔hea。魚糕湯夠味，無乜油份都幾清。果味醬油蒜香烤雞，皮脆肉嫩又有肉汁，醬油有蒜香又夠味，唧少少檸檬汁增加層次，好好味。…查看更多

喉嚨痛兩個星期忍口唔食得煎炸嘢今日終於忍唔住大約下午五點幾，望入去得一台，快速食個晚餐之後再返工。其實對上一次食都已經係幾年前🤣因為要控制熱量問題，唔可以成日食😓叫咗果味雙拼甜辣雞 $248再叫多個芝士拉麵年糕 $178個人認為芝士拉麵年糕一定要熱食，因為凍咗所有嘢都會變硬上面嗰啲魚餅份量都好多 多到我唔太想食😅 但呢個價錢都算偏貴烤雞，感覺上比炸雞健康啲🤣幾年前食同而家一樣都係咁好味好多口味，但係第一眼望到甜辣就抗拒唔到甜辣比較果味濃啲 份量多食唔晒要打包 …查看更多

我哋總共嗌咗三千幾蚊外賣自取，有散叫有套餐，早兩日訂貨，預約咗尋晚7:00到店拎外賣，老闆娘好好人，另送2個凱撒沙律，一個泡菜餅同幾罐韓國啤酒，尋晚老闆娘見得我哋三條女到店😆怕我哋拎唔晒，仲問我我哋有冇揸車去拎，我哋冇🤭佢幫我哋黐好封口位，裝得太重嗰啲就幫我哋加多個袋承載，真係太細心👍🏻唔係因為佢有優待俾我哋，先喺呢度講幾句野，我哋係真心品嚐過後，大家真係覺得幾好味，估唔到叫外賣食都OK喎，雞件雖然係雪藏嘢，但係佢地嘅調味係剛剛好，保持到熱同脆口，另外蛋卷、卡邦尼年糕同辣炒年糕都非常掂👍🏻👍🏻我哋食得太忘形😅某幾款野完全忘記影相，吾好介意😅…查看更多

@Goobne Chicken行完屯市,突然好想食pizza,就諗起呢間,之前食過一次念念不忘,見呢間吾使排隊,就決定食呢間,order後15分鐘就有得食#9寸芝加哥薄餅我本身係一個超级芝士控,呢個pizza用上5款特色嘅芝士,非常重芝士味,又甜又咸,有拉絲效果,還有我至愛嘅脆口批邊,淨係望到多非常吸引,簡直係大滿足#蟹籽沙律醬芝士雞蛋卷蛋捲上枱好大件,賣相真係好吸引,蛋味香濃,有拉絲效果,配上酸甜沙律醬和咸脆蟹籽,有多重口感,一絕…查看更多

依個品牌既分店好多間都試過，銅鑼灣尖沙咀旺角，但因為朋友住依附近所以係屯門食。。以為連鎖分店品質實唔會相差好遠點知……食咁多間都未試過有屯門依間咁既品質首先黎既炒飯係正常既，但芝士有輕微凍左，但都接受到🙈🙈都唔評論佢水準但最重點係佢既烤雞😂🤦🏼‍♀️黎到就一定食佢個烤雞🍗 甜辣，蒜蓉，醬油，辣味，芝士🧀，其實好多味都食過，以前係會Lunch 都有去食，佢午餐水準都好好😓😓點知依家食個叫左芝士烤雞有骨，出嚟既係翻炸既烤雞😱😱😱😰 係唔係烤違背左佢個名都唔在乎啦，問題係隻雞係黑曬😨，加個皮係硬到蛋殼咁😓😓🤯 一定係翻整過，即整唔會咁的😓😓😥好失望，唔會再去依間分店食😡同唔會再叫佢既芝士烤雞…查看更多