影片
更多
2017-02-03
3556 瀏覽
同事Kenneth下星期六last day, 今日下晝同同事一齊請佢食lunch歡送佢！環境光猛，裝飾唔錯，但帶有泰國feel！我哋一行十人坐大卡位，每邊五個，坐得幾舒服！全部同事叫天婦羅定食($58)，唯獨我叫鍋燒烏冬定食($68)，前菜&麵豉湯人頭分配，個個都有，味道唔錯！食物味道唔錯，烏冬亦熱辣辣，唯獨服務認真麻麻！首先唔願收單，其次上菜超慢(每份定食等咗超過卅分鐘！)，最㷫係竟然漏單！攪到我同另一位遲嚟order嘅同事等咗足足四十五分鐘先有得食！仲要漏單個四眼仔冇道歉！隻蛋生嘅打喺湯面，我嗱嗱臨撈勻佢！餸方面有兩柱金針菇、一隻小炸蝦、兩件炸雞件、兩片風鳴卷、一條蟹柳、好多黄芽白，烏冬偏腍，湯亦夠熱，好味，但真係食得好急！最後一人一粒迷你雪米糍做甜品，寫住紅豆餡，但我飽得滯，未食，帶咗返中心！餐飲我叫熱奶茶，但我唔覺熱，只算微熱，扣少少分！埋單十份定食連加一$693，每人$70，算合理，但如果趕時間真係唔好去！我去收銀處俾錢時都有反映，客太多，職員少，根本做唔切！本來我想用卅分鐘慢慢品嚐嘅烏冬，最後急用十二分鐘食完了！真可惜！
環境光猛，裝飾唔錯，但帶有泰國feel！我哋一行十人坐大卡位，每邊五個，坐得幾舒服！
全部同事叫天婦羅定食($58)，唯獨我叫鍋燒烏冬定食($68)，前菜&麵豉湯人頭分配，個個都有，味道唔錯！
食物味道唔錯，烏冬亦熱辣辣，唯獨服務認真麻麻！
首先唔願收單，其次上菜超慢(每份定食等咗超過卅分鐘！)，最㷫係竟然漏單！攪到我同另一位遲嚟order嘅同事等咗足足四十五分鐘先有得食！仲要漏單個四眼仔冇道歉！
隻蛋生嘅打喺湯面，我嗱嗱臨撈勻佢！餸方面有兩柱金針菇、一隻小炸蝦、兩件炸雞件、兩片風鳴卷、一條蟹柳、好多黄芽白，烏冬偏腍，湯亦夠熱，好味，但真係食得好急！
最後一人一粒迷你雪米糍做甜品，寫住紅豆餡，但我飽得滯，未食，帶咗返中心！
餐飲我叫熱奶茶，但我唔覺熱，只算微熱，扣少少分！
埋單十份定食連加一$693，每人$70，算合理，但如果趕時間真係唔好去！我去收銀處俾錢時都有反映，客太多，職員少，根本做唔切！
本來我想用卅分鐘慢慢品嚐嘅烏冬，最後急用十二分鐘食完了！真可惜！
前菜
36 瀏覽
0 讚好
0 留言
鍋燒烏冬+熱奶茶
$68
48 瀏覽
0 讚好
0 留言
鍋燒烏冬
$68
38 瀏覽
0 讚好
0 留言
張貼
