再興燒臘飯店

營業中

休息中

又黎到一間出名嘅燒味鋪，灣仔嘅再興。住咁近竟然未黎過，一於試試佢啦，真係正嘅話就發喇。本身想黎試叉燒，但見有燒鵝，就叫左雙拼飯，個人例牌加葱油唔要燒鵝醬。講叉燒先，份量唔多，但係精華，肥瘦適中，食落有少少咬頭，似係帶少少筋嘅感覺，味都好食，所以好滿意。燒鵝，一睇個食色水怪怪地，檢查下有冇鵝油，係有但分佈唔均勻，一舊成舊油，另一舊又冇油，奇怪。算啦有油咪好囉，一試點知鵝油竟然冇鵝味，只係普通一舊冇香味嘅油脂，再一個奇怪。即係有油都唔香嘅燒鵝，真係冇point去食。葱油方面，冇乜香葱味，一pat油，又係奇，明明有葱冇葱味，係咪燒鵝d friend? 總結黎講，今次試食有d出乎預期，就係d野冇味果下，叉燒就可以再食，所以下次叫叉燒飯就算喇