李氏廚房 (已結業)

早排去完韓國食咗好多炸雞，之後諗返起李氏廚房啲炸雞真係同當地一樣好高水準。所以返到嚟又嚟食嚕。嗌咗個無骨嘅青辣椒蛋黃醬炸雞跟洋蔥，青辣椒同洋蔥嘅味超香。配甜甜蛋黃醬非常之夾味。啲炸雞同我上次嚟食一樣都係超級脆，真係一路都keep到高水準。10零隻炸雞成班真係勁大兜，好抵食呀！另外嗌咗個雙拼餃子，係大豬肉加大泡菜，巨型嘅餃子，啲餡塞到勁滿！！我平時好鍾意食泡菜，所以尤其鍾意泡菜嗰款🤓豆汁冷麵，呢款面幾特別，食落真係有淡淡豆香味，隔離有一碟調味鹽可以加落去湯度食會更加好味㗎！！食落非常清涼，麵條又有咬口，幾值得試下！