影片
港鐵西灣河站 A 出口, 步行約4分鐘
繼續閱讀
營業時間
星期一至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
今次久違地去食韓國菜😋 㨂咗依間食極唔厭嘅平靚正餐廳👍 餐廳採用搶眼鮮豔嘅橙色作主調，牆上掛滿型格又獨特嘅海報同埋霓紅燈作點綴，超有氣氛🥰 首先㨂咗個韓國菜必食嘅炸雞🥰 㨂咗粟米口味😚 新鮮炸起嘅炸雞香噴噴熱辣辣😍 表面潵滿甘甜可口嘅粟米調味粉🤭 口感外酥內嫩，肉汁滿滿😆 跟炸雞仲附有粟米塊🤩 真係勁抵食😋 之後當然唔少得石鍋拌飯🫶 熱騰騰嘅石鍋原個送上枱😆 「滋滋聲」響過不斷，超級吸引😙 拌飯配料極多，芽菜、炒蛋絲、牛肉等一應俱全，與韓式辣醬拌勻，口感豐富味道超正✅ 勁燒香嘅飯焦更是不能錯過喲🌟 再試了餐廳推薦嘅大大碗刀削麵🫶 㨂咗花蛤做餸🥴 花蛤隻隻飽滿又鮮美，去沙去得好乾淨👍👍 花蛤為湯底帶來鮮甜嘅滋味😚 令煙韌彈牙嘅刀削麵更添滋味😆 未夠喉貪心仔叫多一份韓式餃子🤭 㨂咗大豬肉餃✅ 餃子餡料裝得滿滿👍 食落肉味濃香，煙韌嘅餃子皮十分有嚼感，飽肚又美味🫶
繼續閱讀
難得嚟到西灣河接朋友放工，咁就順便搵吓附近有啲咩食，佢就同我講話附近有間韓式炸雞好正，所以就諗住試吓。位置都幾方便，距離地鐵站都唔遠。而餐廳座位好闊落，坐得都好舒服，一班人聚會都幾適合，可惜當日淨係得我同朋友兩個人。不過我同朋友都有少少眼大肚細，我覺得呢個份量三、四個人食都唔係一個問題。‣ 自選無骨半半炸雞（甜辣 & 蜂蜜蒜蓉） $103 & $118我自己比較鍾意食偏甜口味嘅雞，自己唔係話太鍾意啲好乾身嘅雞，鍾意佢哋裹住醬汁、偏濕潤嘅口感。兩款比較之下，我比較鍾意甜辣多啲。雖然話就話係甜辣，但係其實辣味唔會好重。蜂蜜蒜蓉我覺得都好香，視覺效果上我覺得比起甜辣靚啲，餐廳落蒜蓉都幾重手，個好處係令到個蜂蜜都唔會淨係得死甜味。我覺得餐廳嘅炸雞做得好出色，因為咬落去嘅時候會做到有少少爆汁，肉質夠細嫩，而且佢個份量夠多，最後食唔晒都覺得有少少對唔住隻雞。‣ 海鮮煎餅 $168海鮮煎餅就係煎薄罉，因為本身我就好鍾意食鹹嘅薄罉，又諗住本身嗌嘅炸雞都比較重口味，所以就嗌個煎餅中和下。煎餅本身已經好夠味，我都冇點過汁，幾乎每一塊我都食到蝦仁同魷魚，所以先話佢足料。而煎餅入邊都有啲洋蔥，洋蔥嘅鮮甜可以中和到油膩嘅感覺。即使嗰日真係好飽，但個人都幾推薦同埋幾鍾意海鮮煎餅。‣ 無酒精麗塔（西柚子味） $78由於第二日我同朋友都要返工，所以就冇嗌到酒，真係有啲可惜，我覺得炸雞本身就係要配酒，但係都忍唔住嗌咗一個無酒精嘅。最後都幾慶幸自己嗌咗，因為始終我叫咗兩款都係甜口味嘅炸雞，無可避免去到最後都會有啲膩，西柚味嘅嘢飲本身酸酸甜甜，略帶苦澀。當我食完啲酸蘿蔔嘅時候，佢就可以起到一個解膩嘅作用。
繼續閱讀
近排成日落雨， 好想食啲開胃嘢食， 最啱就係食啲酸辣辣嘅韓國菜。 朋友 咁啱喺西灣河見完客，就即席推介去李氏廚房。 到左先知道，原來就喺尖沙咀好出名的“李家”分店。 西灣河店改咗名叫李氏廚房。唔需要諗，即刻嗌咗炸雞， 佢哋最出名拿手菜式， 款式真係好多，有原味、甜酸、醬油、 粟米、芝士…………另外仲好多鐵板類和芝士鍋， 不過我哋兩個女仔， 對於我哋嚟講份量太多，留返下次 多啲人聚會一齊嗌。蜂蜜大蒜炸雞 (無骨)， 無骨雞啖啖肉， 炸到外皮乾身香脆鬆爽， 雞肉保持嫩滑多肉汁， 超多海量嘅蜂蜜， 加上大蒜粒 同埋蒜蓉， 真係好滋味。芝士味炸雞 (無骨)， 無骨炸雞可以保持儀態，而且啖啖肉真係好， 芝士味勁多芝士粉， 非常香濃。雪濃湯湯頭香濃而且有好多牛肉片， 有少少素面， 吸收咗雪濃湯嘅味道， 又爽口又鮮味。 配搭好多餐前小菜 ，泡菜+ 芝士腸+ 煎蛋卷 +薯仔 +魚餅 +麻油菠菜 + 豆芽。 真係超級豐富。
繼續閱讀
李家廚房(筲箕灣店)食炸雞，西灣河站B出口，行幾分鐘就到。餐廳燈光明亮，座位寬敞，乾淨企理，一坐底就送上前菜，醃蘿蔔、椰菜絲及泡菜。原味炸雞 (半隻) $93揀咗有骨炸雞，皮簿香脆，上枱熱辣辣，最好放一陣先食，肉質鮮嫩，咬落去會滴汁架，有少少辣，好惹味！豆汁冷麵 $78 平時好中意食韓國冷麵，見湯底唔同又試下，湯底豆味好濃，幼細的刀削麵煙韌幼滑，哩個新嚐試都唔錯。 石鍋蓋飯 $78 辣椒醬好惹味，加埋牛肉、蛋絲，紫菜等配料拌勻，簡單又美味的拌飯！ 大豬肉餃子 $58 餃子勁大隻，皮簿餡料多，正宗韓國餃子味道，配啲香醋就更惹味!
繼續閱讀
雙拼餃子每隻都超級大隻， 咬落肉質扎實我偏好紅色嘅泡菜味豬肉嘅鮮嫩配上泡菜嘅微辣，很不錯花蛤刀削麵花蛤很鮮味而且完全無沙麵質Q 彈好吃牛肉石鍋蓋飯牛肉煎得恰到好處，外面微焦洋蔥帶來嘅甜味同蛋絲嘅滑口，完美融合！飯底微微焦香，咬下去時嗰種脆口感海鮮韭菜煎餅韭菜嘅脆嫩搭配海鮮嘅鮮甜，海鮮料算很豐富點埋祕製辣醬增加味道層次星期日大約一點半就非常多客人呢度一人lunch set 都好大份而且多選擇重要係性價比高
繼續閱讀