老闆娘雲南米線

營業中

休息中

相信鍾意食米線既人一定有聽過老闆娘既大名，每次去到都一定大排長龍。喺出面排隊既時候已經填好想食啲咩，交俾前頭既人拎埋野飲就可以入座，安排流暢。之前睇過訪問，米線係逐碗逐碗咁煮，所以入到去其實都仲要等一陣子先有得食。湯底試過麻酸辣同埋酸辣，個人口味鍾意麻酸辣多啲，好重口味麻得黎好過癮。炸物今次叫咗酥炸炸鯪魚球、魚肉響鈴、野菌腐皮卷、反斗蝦膠豆卜。上菜既時候全部都熱辣辣，而且炸到好脆，咁多款入面最推介野菌腐皮卷。值得一讚係入面冷氣好夠凍，就算碗麵幾辣都好，都唔會食到出曬汗！