影片
更多
2021-11-22
1134 瀏覽
星期六同朋友去近嚟新開嘅東岸公園遊逛吓，順路食晏。我哋由炮台山站出發，行經見到「茶東西」門面幾掂，嘢又啱食，加上有人排緊隊，心諗應該唔差，就一於排埋一份🙈。餐廳裝修幾靚✨，如果齋睇環境會以為佢係Cafe，四周圍都掛上卡通漫畫，而且色彩繽紛。不過坐落又覺得佢同港式茶餐廳無太大分別🇭🇰，因為餐枱同座位之間都幾逼。我會形容呢度係新派茶記🥢，即係佢有提供傳統茶餐食物，例如有通粉同多士等，但就無炒粉麵飯同小菜食，不過相反地西式食物選擇就唔少。另外，留意返餐廳每個時段賣嘅嘢食都唔同，就比如說午餐過咗兩點半就無得食。卡邦尼意粉($42)，意粉大大碟🍝，唔係馬後炮，其實淨係見個賣相都覺得唔錯。意粉煮得爽口彈牙，完全唔似茶記出品。卡邦尼汁亦好有水準，濃而不膩，重蛋味🥚，而煙肉則帶來鹹香。邪惡咸蛋醬炸雞髀配美式粗薯條($35)，🍗雞髀薯條絕對係下午茶代表。雞髀好厚肉，並炸至外脆肉嫩，而且配合埋咸蛋黃醬💛，真係邪惡到不得了。薯條以外仲有啲沙律菜，發揮中和作用。雙層芝士安格斯牛肉漢堡($52)，🍔漢堡包好巨型，入面夾住雙層安格斯牛肉漢堡扒、芝士同蕃茄菜，一手揸唔晒，好足料！漢堡扒肉味幾濃，並混入洋蔥粒，唔乾身
星期六同朋友去近嚟新開嘅東岸公園遊逛吓，順路食晏。我哋由炮台山站出發，行經見到「茶東西」門面幾掂，嘢又啱食，加上有人排緊隊，心諗應該唔差，就一於排埋一份🙈。
餐廳裝修幾靚✨，如果齋睇環境會以為佢係Cafe，四周圍都掛上卡通漫畫，而且色彩繽紛。不過坐落又覺得佢同港式茶餐廳無太大分別🇭🇰，因為餐枱同座位之間都幾逼。
我會形容呢度係新派茶記🥢，即係佢有提供傳統茶餐食物，例如有通粉同多士等，但就無炒粉麵飯同小菜食，不過相反地西式食物選擇就唔少。另外，留意返餐廳每個時段賣嘅嘢食都唔同，就比如說午餐過咗兩點半就無得食。
卡邦尼意粉
$42
48 瀏覽
0 讚好
0 留言
邪惡咸蛋醬炸雞髀配美式粗薯條
$35
38 瀏覽
0 讚好
0 留言
雙層芝士安格斯牛肉漢堡
$52
31 瀏覽
0 讚好
0 留言
北海道日式豚肉飯(+$10)，嗌部份下午茶餐可加$10配輕量裝食物，但睇吓圖中嘅飯咁大碟，你敢相信係輕量嘛？🍛咖哩飯幾惹味，偏向日系風格，但亦不乏辣香，不過豚肉就失咗蹤。
北海道薯仔沙律(+$10)，我本身以為佢係球狀嗰種薯仔沙律🥔，但原來似蟹籽沙律多啲，不過走蟹籽，哈哈。沙律由薯仔粒、青瓜粒、紅蘿蔔粒同蟹柳所組成，凍凍的，微微酸，頗開胃。
飲品方面，我哋嗌咗凍檸茶同凍奶茶，凍飲加$3，大杯嘅，但無嗌少甜就真係好甜😫。
總括嚟講，呢間小店咁高人氣唔係冇原因，佢確係出色嘅😛，而且價錢仲好貼地添，人均消費好難會過$50囉！最後，服務態度就普通啦，不要期望太多。
張貼
