Akoya

營業中

休息中

呢間居酒屋款色多元化，炭火串燒、刺身、炸物小食、主食、甜點、酒精等，賣相打卡able，食物質素高，適合約朋友仔嚟小聚一吓。前菜有雞肝醬配多士，出面比較少見，上面有焦糖，呈粉紅色，質感軟滑，入口即化，搭配脆身多士都幾夾。明太子煎蛋卷，切開時爆漿，味道鹹香，一份都唔少。宮崎黑豚香腸咬落脆身，鹹度適中，配埋醬汁可解膩。串燒Omakase性價比高，私心推介免治雞肉串同雞翼，前者軟身，後者嫩滑多汁，唔鍾意內臟嘅可以叫佢走。海鮮方面必點帆立貝，火焰效果呈現，肉厚，鮮甜入味、海膽汁燒蠔以熱盤上，咋咋聲，醬汁唔算好濃，鹹鹹哋，蠔大粒飽滿，令人食指大動。油甘魚魚鮫外皮脆身，啖啖肉，肉骨分離，燒得啱啱好。燒羊扒肉味香濃且唔嚡。黑豚軟骨山葵燒肉質軟綿，Wasabi味好淡，小朋友食都OK。主食有雞湯卡邦尼烏冬，基本上每枱都會點，掛汁，唔膩，淡淡蛋香，越食越上癮。甜點有自家製雞蛋布甸、豆腐布甸同鹽味雪糕，甜度適中，味呢但是完美Ending。