金蘭花泰國菜館

營業中

休息中

呢排熱到噴火，同朋友游完水想搵啲開胃香口野食，卒之揀左佢屋企附近既泰菜館。有酸酸甜甜清新開胃既柚子沙律做前菜，入面有泰國金柚、菠蘿、蝦米同腰果撈秘制沙律汁，"泰"好feel。食肉獸必點炭燒豬頸肉，外層焦脆，內層充滿肉汁，彈牙爽口，點埋秘製泰式辣汁好好味。食肉獸以沙嗲串燒雞同牛延續落去，炭烤好香口，肉汁完全鎖住，點沙嗲醬或甜酸汁都唔錯。最後點都要有D澱粉質落肚先覺飽，炒金邊粉夠爽身，熱辣辣夠香夠醒胃，令人好想繼續食落去。整體而言：滿足！