瀛鍋

營業中

休息中

帶個囡去啟德玩，玩完就去朋友介紹嘅呢間瀛鍋度食好西。位於九龍城嘅呢間瀛鍋，地方好大，有兩層，有卡位、有圓枱，亦有包房。最欣賞佢既喺竟然有個兒童遊樂場，入面有好多木製既廚房同用具，我囡未食嘢已經話要去玩，佢食完嘢又去玩，佢話好好玩，佢去玩既時候，我同老公可以好好咁食好嘢，幾正！好岩有小朋友既家庭。海花金古（刺身）呢條海花金古魚刺身，好吸引！每塊都晶瑩剔透，肉質鮮嫩，無論當刺身咁食，定放落湯度灼一灼，都一樣咁好味三文魚新鮮好味！冰鎮鮑魚餐廳15周年送既，雖然係送，但質素依然好好，彈牙又好食！鬼馬鴛鴦膠外形吸引，炸得好脆，好好味既小食。菜膽鮮魚湯窩真係要推薦吓呢個鮮魚湯窩，啲湯奶白色，鮮甜無比，應該用真料實料熬出嚟，好鮮甜好好飲，我忍唔住飲左3碗先開始打邊爐。霜降肥牛肉（小）佢既肥牛大大塊，肉質鮮嫩，肉味濃而且唔韌，好味！手打鮮肥牛粗丸手打牛丸好大粒，可能因為用肥牛打出嚟，特別多肉汁，好爆汁！手打四寶丸全部丸都係手打，所以粒粒都好彈牙，又新鮮！