影片
更多
2025-04-16
40 瀏覽
叁不館之前食過車仔麵，火鍋就未試過，今日同朋友去天后叁不館打邊爐，上到柒樓，裝修都充滿舊城寨嘅味道，密密麻麻嘅手寫牆，就諗起九龍皇帝曾灶財，大幅古惑仔漫畫，懷舊風格佈置餐具，勾起好多我童年回憶😆主打港式火鍋，食材新鮮，多款特別牛肉嘅部位，從外地進口嘅刺身，因為香港人一年四季都好鍾意打邊爐😂今晚揀左雙併湯底菜乾雞腳湯同笑茄茄牛腩湯，好有住家風味，非常足料。菜乾雞腳湯，湯底係豬骨湯底情奶白色，味道清甜。笑茄茄湯底，就有濃濃蕃茄味，蕃茄粒、薯仔粒，仲有好多牛腩粒。🥩牛魔王拼盤$488手切封門柳丶鮮牛肉粒丶黑安格斯牛版腱、極級本地手切肥牛、頂級安格斯牛頸脊、牛脷托各6片，一次過可以食多種部位，牛肉味香濃，新鮮冇雪味。🥟火鍋餃自家四併餃$98自家鮮蝦雲吞、招牌芫荽餃子、韭菜餃、招牌午餐肉餃各2粒，粒粒飽滿，鮮蝦夠彈牙，午餐肉做餃又好特別，芫荽控一定要叫芫荽餃。花膠$168 有6大條，手掌咁長，淥完膠質豐富，滋補養顏。海中蝦$88/半份有6隻，海蝦🦐非常生猛，上枱仲郁緊，肉質彈牙。日本扇貝$38/隻，味道鮮甜。豆卜$38，索晒湯嘅精華。皇帝菜$45，打邊爐都要淥啲菜食吓。椒鹽鱔片$108 炸得鬆脆
主打港式火鍋，食材新鮮，多款特別牛肉嘅部位，從外地進口嘅刺身，因為香港人一年四季都好鍾意打邊爐😂
今晚揀左雙併湯底菜乾雞腳湯同笑茄茄牛腩湯，好有住家風味，非常足料。菜乾雞腳湯，湯底係豬骨湯底情奶白色，味道清甜。笑茄茄湯底，就有濃濃蕃茄味，蕃茄粒、薯仔粒，仲有好多牛腩粒。
🥩牛魔王拼盤$488
手切封門柳丶鮮牛肉粒丶黑安格斯牛版腱、極級本地手切肥牛、頂級安格斯牛頸脊、牛脷托各6片，一次過可以食多種部位，牛肉味香濃，新鮮冇雪味。
🥟火鍋餃自家四併餃$98
自家鮮蝦雲吞、招牌芫荽餃子、韭菜餃、招牌午餐肉餃各2粒，粒粒飽滿，鮮蝦夠彈牙，午餐肉做餃又好特別，芫荽控一定要叫芫荽餃。
花膠$168 有6大條，手掌咁長，淥完膠質豐富，滋補養顏。
海中蝦$88/半份有6隻，海蝦🦐非常生猛，上枱仲郁緊，肉質彈牙。
日本扇貝$38/隻，味道鮮甜。
豆卜$38，索晒湯嘅精華。
皇帝菜$45，打邊爐都要淥啲菜食吓。
椒鹽鱔片$108 炸得鬆脆，香口惹味。
🔊限時優惠🔊follow佢社交平台可享啤酒🍺$1/支，必須$10買十支，鍾意飲啤酒🍻，唔好錯過依個優惠。
仲有佢哋嘅醬料混醬款式多，尤其自家製蔥頭油好鬼香，原來仲有得賣$58/樽，有220ml，買左樽返屋企蔥油拌麵😋
張貼
