影片
更多
2023-08-11
23 瀏覽
一年四季都可以打邊爐, 今晚就同朋友去左呢間係花園街既火薈中日火鍋。😌一坐底職員好好服務問要唔要叫D野飲先, 又介紹佢地有咩新鮮靚海鮮刺身。🥂大熱天, 叫個冬瓜瑤柱花甲鍋, 一上台已經見到大大隻花甲, 雖然未至於鋪海成個鍋, 但都唔係少, 一滾起, 大家都試下佢個湯先, 夏天邊爐湯底唔適宜叫太濃郁, 呢個湯一致認為清甜足料。🫕即炸響鈴雖然而家出面好多都有呢個即炸響鈴, 但炸得好食既唔多，火薈既即炸響鈴唔油膩,十分鬆脆, 蘸個酸甜汁食，真係無得頂。因為我地個湯係清淡類, 所以浸湯就唔算好特別。小食叫左炸雲吞+椒鹽豆腐炸雲吞夠脆口, 而且好飽滿,皮薄餡料好扎實，食到成粒鮮蝦肉。好足料。 椒鹽豆腐, 外脆內嫩, 成碟都鋪滿炸蒜好野味。鳳城水餃🥟鳳城水餃同樣係皮薄餡料好扎實，食到成粒鮮蝦肉。同個炸雲吞既料好似, 只係多左木耳絲。 手打墨魚丸🦑呢個手打墨丸一定要試, 好大粒, 真係有乒乓波咁大粒，味道鮮甜、富有墨魚味，口感更爽口彈牙無味精無面粉，仲食有墨魚粒，爽脆有咬口。蟹子解蝦滑🦐呢個蝦滑上台時係一大舊, 係刮落鍋時已經有D期待呢粒蝦丸, 因為明顯係打得好結實, 係要用少少力先刮得開個蝦滑，一
一坐底職員好好服務問要唔要叫D野飲先, 又介紹佢地有咩新鮮靚海鮮刺身。🥂
大熱天, 叫個冬瓜瑤柱花甲鍋, 一上台已經見到大大隻花甲, 雖然未至於鋪海成個鍋, 但都唔係少, 一滾起, 大家都試下佢個湯先, 夏天邊爐湯底唔適宜叫太濃郁, 呢個湯一致認為清甜足料。🫕
即炸響鈴
雖然而家出面好多都有呢個即炸響鈴, 但炸得好食既唔多，火薈既即炸響鈴唔油膩,十分鬆脆, 蘸個酸甜汁食，真係無得頂。因為我地個湯係清淡類, 所以浸湯就唔算好特別。
小食叫左炸雲吞+椒鹽豆腐
炸雲吞夠脆口, 而且好飽滿,皮薄餡料好扎實，食到成粒鮮蝦肉。好足料。
椒鹽豆腐, 外脆內嫩, 成碟都鋪滿炸蒜好野味。
鳳城水餃🥟
鳳城水餃同樣係皮薄餡料好扎實，食到成粒鮮蝦肉。同個炸雲吞既料好似, 只係多左木耳絲。
手打墨魚丸🦑
呢個手打墨丸一定要試, 好大粒, 真係有乒乓波咁大粒，味道鮮甜、富有墨魚味，口感更爽口彈牙無味精無面粉，仲食有墨魚粒，爽脆有咬口。
蟹子解蝦滑🦐
呢個蝦滑上台時係一大舊, 係刮落鍋時已經有D期待呢粒蝦丸, 因為明顯係打得好結實, 係要用少少力先刮得開個蝦滑，一熟即係試, 果然蝦滑味道好鮮而且又滑又彈牙。建議可以刮大粒少少，會更加感覺到呢個蝦滑既彈牙口感。
野生竹笙王
成絛竹笙有手掌咁長，成條都好完整無甩甩爛爛， 食落好厚身，柔軟，爽口。零脂肪無負擔， 真係好岩女士食， 好食到要叫多一碟。😀
其餘就叫黑柏葉， 手工冰豆腐， 芋絲鮮淮山， 同一D疏菜，全部都新觧，正常水準。😄
走果陣發現佢地有間房， 如果人多可以自己包間房盡興之餘唔怕嘈到人。😆
張貼
