影片
更多
2022-08-16
610 瀏覽
老公同阿女話想打邊爐，我揀咗呢間好多人話好嘅，阿女話佢食過好食，咁就放心去食啦。訂咗枱去到唔使點等就入得，不過就坐門口收銀位多人出出入入。侍應姐姐見我一個坐响度，提我出去攞嘢飲住等👍飲品款式大路，揀咗自家製竹庶水(密封包裝好一杯杯放雪櫃)主菜5選1我哋揀咗椰子雞㷛，侍應姐姐又提我哋食完個雞㷛先叫其他嘢食，到時幫我哋換個㷛同湯底。每枱會送一份魚生船、海鮮拼盆、牛小排，新鮮美味，冇乜食力嘅我哋，食完呢幾份已經半飽，淨係掛住食，影完呢啲之後其他都冇影相啦，另外叫咗2轉其他火鍋料已經好飽，手打丸都唔錯，海蝦好鮮味，蜆就普通正常，上菜速度都快要，最後每人有一杯Häagen-Dazs雪糕
題外話/補充資料：
$368+10%，用餐時間充足可以由17:30-23:00 (最後截單時間10:15) 我哋食咗2.5鐘，原來9點後仲有特惠時段2百幾蚊。
停車場响大廈側邊，但係原來呢度冇免費泊車嘅
(以上食評乃用戶個人意見 , 並不代表OpenRice之觀點。)
張貼
