大滿足火鍋冰室

營業中

休息中

我哋叫咗胡椒豬肚雞湯底，佢嘅湯底都幾濃郁，好有胡椒味。入面有半隻雞，啲雞肉唔硬身，幾嫩滑，豬肚都好滑，煮得好腍。每枱仲送一碟頂級牛板腱，牛板腱好味。放題最正就係可以揀自己鍾意食嘅嘢，餐廳提供嘅食物都有唔少選擇，有大量嘅丸類，仲有唔少海鮮，有蟶子、海蝦，蠔仔、魷魚等，好豐富。仲有唔少蔬菜類，食物都好新鮮。佢哋會自己人手包韭菜餃，我見到有店員係隔離枱包緊韭菜餃，人手包，所以韭菜餃入面嘅餡好飽滿，個皮又煙煙韌韌，好食。餐廳仲有小食，例如拍青瓜、木耳同埋炸魚皮，又有水果，有菠蘿、西瓜、車厘茄。仲有好多飲品，我揀左竹蔗茅根，清熱好飲，老公揀咗水果茶，甜甜哋都好好飲。