影片
更多
2023-06-03
1524 瀏覽
平時同同事食開飯都多數選擇放題任食之類，畢竟唔洗睇價食飯，就住就住。但食極都冇咩邊間係真心好食到可以大大聲推薦比其他人，突然㩒下㩒下出左呢間淥鼎記，d食評寫到天上有地下冇，咩鬼戰力天花板，冇食過就死而有憾咁制，咁就一於睇下係咪咁巴閉😑星期六下晝7點半準時到達，店員一早就講明冇4人以上就得一個選擇前菜六選一就選擇左好多人讚既酸菜魚，魚肉保持住滑嫩，辣度適中易入口（中辣），配菜既萵筍，大豆芽菜都吸收左湯底既味道，仲要係大碟到得人驚😱（反個黎講，食完邊有胃口再食其他野😓）轉頭就上前菜之一，海鮮刺身，講真d大蝦就爍爍地但有DD蝦膏好評，三文魚厚切但味道一般，反而係d貝類真係又彈牙又爽口，個鮑魚非常軟冧勁好食，喜出望外，缺點係份量唔多（貪）由於個酸菜魚嘅份量都幾大下，所以食吓食吓本身得兩個鐘嘅放題已經得返1個鐘，哪哪臨叫佢上個花膠美人鍋費事一陣唔夠盡興。本身開左個好頭以為驚喜不斷，點知愈食愈唔對路隨住火鍋滾起，海鮮拼盤同牛肉拼盤，亦都同時上檯。個手切牛肉，過去食過既手切牛都一碟碟新鮮出兼且會切到岩岩蠶蠶，呢度竟然結晒冰加埋塊塊90度角，師傅一定係國服第一男刀囉😏，色水花紋幾好但食落完全冇味。個時
星期六下晝7點半準時到達，店員一早就講明冇4人以上就得一個選擇
前菜六選一就選擇左好多人讚既酸菜魚，魚肉保持住滑嫩，辣度適中易入口（中辣），配菜既萵筍，大豆芽菜都吸收左湯底既味道，仲要係大碟到得人驚😱（反個黎講，食完邊有胃口再食其他野😓）
18 瀏覽
1 讚好
0 留言
16 瀏覽
0 讚好
0 留言
由於個酸菜魚嘅份量都幾大下，所以食吓食吓本身得兩個鐘嘅放題已經得返1個鐘，哪哪臨叫佢上個花膠美人鍋費事一陣唔夠盡興。
27 瀏覽
0 讚好
0 留言
本身開左個好頭以為驚喜不斷，點知愈食愈唔對路隨住火鍋滾起，海鮮拼盤同牛肉拼盤，亦都同時上檯。
20 瀏覽
1 讚好
0 留言
17 瀏覽
0 讚好
0 留言
個時令海鮮拼盤，鮑魚依然係軟熟彈牙但本身無處理過大大個消化器官（大家明我講邊道）仲係殼度，OMG。魷魚竟然係一舊完全既冰，味同嚼蠟；珊瑚蚌就幾正常；啲蝦同蜆本身都係放題裏面可以任嗌嘅嘢，感覺唔應該放係度。北寄貝就靭左少少。
以上就係任食既可選名單，我真係見到都窒咗一下，以4xx既價錢就得咁多？？真係叫二輪都可以食齊
簡單講下味道
羊肉片：全部紙咁簿，食唔太出羊味
各式蝦，魚，墨魚滑：相當唔錯，要食請多叫，因為係以（粒）計，而且得手指公指甲咁大粒
廣島蠔：又係完全冰結既，滾完似蠔仔粥d蠔咁丁丁，冇咩味
蜆：全場最好味，好甜肉又ok大隻，每次5隻叫左3round 後就話賣晒，仲要3次order冇其中一次冇黎，只係8點幾就賣晒，大家心照
海蝦：由頭叫到尾都有，方方面不過不失
其他都冇乜特別，食食下都冇乜引，連嗰餐附送嘅Häagen-Dazs雪糕都冇食就走人。
食後感就一般般，畢竟咁多食評都講到天上有地下冇又戰力天花板，真係食過先知。前菜部分佔左80%既好感，但任食部分就將所有好感都敗光晒。
食物絕對唔差但冇想像中咁好，情願去食斗滾，一味任食手切生牛肉吊打呢度全部
208 瀏覽
1 讚好
0 留言
張貼
