云手工火鍋店

營業中

休息中

本身個人都喜愛飲老火湯，今次order呢款火焰椰子雞湯底，睇住店員先炒香雞件和椰肉，點火炒香，再加入幾個新鮮椰皇水，遠距離已聞到香氣，湯底一滾就飲得，濃郁度十足，入口香甜，忍唔住都飲咗幾碗先開始打邊爐！火鍋材料有鮮蝦雲吞、招牌新鮮鵝腸、花膠、鴨血、炸枝竹和台灣寛粉，款款都很新鮮，花膠，呈半透明，滾大約10分鐘就食得，口感滑潤，能很好地吸收火鍋湯底味道。台灣寛粉都係吸湯之選，淺米色寬條狀，口感富有彈性，煮熟後很滑順。我哋另外都order咗廣島蠔串燒，用竹籤串起，蠔身表面微微焦脆，色澤金黃，入口有汁，帶有淡淡鹹香，搭配檸檬汁，入口很鮮美。