起鍋 (已結業)

火鍋店選擇極多，有時都唔知揀邊間好。今次我哋一行四人，四個港女就去咗灣仔”起鍋 Let’s Pot”。因為想大飽口福之餘，仲可以影相打卡🤩店內環境以懷舊復古風為主，餐具亦配合主題非常到位，格調十足～✧ 熱浪響鈴午餐肉響鈴午餐肉口感外脆內軟，加上淡淡鹹香，味蕾馬上進入狀態✧ 香茅清酒煮蜆有別於一般清酒煮蜆，不旦蜆肉清甜，配上香茅更帶來一點點泰式風情✧ 潮汕牛拼盤打邊爐點可以冇牛！今次仲有近年備受推崇嘅潮汕牛，更加要食真啲！牛肉擺盤精緻美觀，色澤紅潤。依盤潮汕牛肉質嫩滑，牛味香濃。推介🌟🌟✧ 海鮮拼盤龍蝦大大隻又可以影相打卡🤣🤣 龍蝦刺身肉可以輕點鼓油即食。另外的蠔、蝦、鮑魚都好有水準，不比龍蝦失色✧ 時令菜拼盤最中意佢地嘅粟米，又甜又大粒。菜類品種亦有好幾款✧ 凍豆腐湯底正，豆腐自然正，因為豆腐索哂啲湯✧香茅蝦膠扎肉餃估唔到蝦膠配合香茅同扎肉好夾，好特別嘅味道✧黃芽白大頭菜豬肉餃豬肉配合蔬菜永冇甩拖✧芫荽豬肉餃芫荽控啱哂，唔食芫荽就拜拜✧九層塔蝦丸九層㙮份量剛好，唔會蓋過蝦嘅味度✧ 彈牙魚丸魚肉比例重，口感確實彈牙✧ 手打牛丸超級濃郁嘅牛味，肉汁豐富✧ 水雲麵第一次食水雲麵，麵條細軟爽滑