新嚐泰泰國餐廳

營業中

休息中

今日去灣仔食泰國菜，呢間新開張餐廳位置在閣樓，裝修風格、牆上壁畫、別具特色的吊燈，都好有泰國feel。我哋order左以下泰國菜必點食物：小食拼盤: 有魚餅、蝦餅、春卷及肉丸生菜包。魚餅裡面有檸檬葉和切粒豆角，鯪魚肉有啖啖魚香；蝦餅煎得香口，蝦肉爽口Q彈；春卷炸到金黃色，餡料就有咖喱味既椰菜同粉絲；肉丸生菜包D肉丸微辣，用新鮮生菜包住嚟食，正好中和左D辣既感覺。泰式炒通菜: 通菜好翠綠，泰式炒法帶少少辣，仲加左麵豉醬，很惹味。菠蘿海鮮炒飯: 飯炒得好乾身，配上燒過的新鮮菠蘿，酸酸甜甜，配料仲有大蝦、青口、魷魚、肉鬆、腰果、提子乾、臘腸粒，口感十分豐富，份量好多。芒果糯米飯: 糯米飯煮得軟糯有粘性，芒果香甜，淋上椰漿後，入口充滿邪惡感，但又超級好食。整體感覺，食物好地道，而且非常美味，員工服務殷勤，值得推介。