新嚐泰泰國餐廳

由灣仔到銅鑼灣再來返灣仔…難得食品keep到水準…疫情後來過幾次…食物質素對得住價錢..生意難做..樓上店…希望店舖可以繼續…因為喜歡食名爐魚…每次來都會點酸辣烏頭唔食得辣嘅我…都食到….好細心會有碗湯比你後加入爐繼續煮青咖雞…會跟兩塊薄餅…薄餅好好食…又夠熱又脆又香…咖哩唔太辣非常好送飯…柚子大蝦沙律…有好多柚子..個汁好好味…個人覺得如果個汁無咁甜更好..掛住食無影相最後芒果糯米飯飯係暖嘅…芒果切粒方便食..唔太大份…兩人份量甜品啱啱好…查看更多

朋友帶路黎灣仔一條橫街嘅大廈裡面食泰菜，應該係喺灣仔返工嘅人先會知嘅隱世泰菜🤫🤫叫咗幾款食物都好好食呀😋-🍢串燒沙爹 (豬,雞) ($88)豬同雞串都好juicy，肉質好嫩，唔覺係急凍貨，出乎意料地好味，推薦🤩🥘黃咖喱跟薄餅 ($98)咖喱可自選辣度，可以選配豬/雞/蔬菜/海鮮，我地揀咗雞，裡面仲有青紅椒和薯仔，味道唔鹹亦唔淡，配薄餅食就最夾🤤🥭芒果糯米飯 ($68)呢碟賣相好靚，糯米飯飯暖暖地，黏度適中，仲可以自己淋椰奶，芒果好甜份量好多，係好好食嘅甜品🥰呢間泰菜真係好隱蔽，平日午市有lunch set，而且坐滿晒人，夜晚就得散叫，整體食物質素都幾有驚喜，係可以再encore嘅泰菜！🤩…查看更多

星期四上去食晚飯，餐廳裝修好有泰國feel，七點未到只係坐咗1/3客，以為佢係上樓又係內街就得幾枱客，點知點完餐，食咗兩個餸左右就慢慢差唔多坐滿8-9成。大頭蝦冬陰功-小辣唔會好辣，湯都唔會太酸，好暖胃泰式生蝦-新鮮冇雪味，中size蝦豬+雞串燒-感覺正常發揮大頭蝦金邊粉-炒得好，唔會炒完痴埋一pat 但份量偏少肉碎生菜包-肉碎量多，加咗蒜頭一齊炒又唔會炒到過火變韌，調味啱啱好，包生菜真係好夾炒椰菜苗-炒得爽口，唔會炒到變黃，但略嫌份量偏少芒果糯米飯-芒果好甜，糯米飯口感正好，暖暖哋又有少少咬口，鍾意個椰汁係少少杰身，個人唔喜歡太稀*總括而言，對呢餐泰國菜好滿意，老闆一腳踢又送餐又做埋水吧，姨姨同廚師都會幫埋手送餐😁佢地都好有善，同行朋友大讚冇揀錯餐廳，有下次支持小店…查看更多

野食味道還可以，但重點係服務態度極差。一開始間餐廳冇咩人我地坐左卡位，店員唔俾我地坐，仲態度極差問我哋落左單未。跟住聽到佢係隔離枱上菜對客人呼呼喝喝。野食幾好都好，服務態度令人唔會想有下次。…查看更多

朋友生日大班人去食泰國嘢樓上舖黎 所以門面唔大 星期六晚都唔多人大部份嘢都好好食，尤其係肥河 係少少煙靭嗰隻燒雞都好好食，唔使點醬已經好入味仲叫咗柚子沙律，生菜包，烏頭等等，正常水準最後埋單竟然唔使加一🫣性價比高 覺得比近離出名嘅泰國嘢更好食😋唯一缺點係員工感覺不太友善🙈…查看更多

食物質數可以接受，但係冇乜特別，唔晒特登嚟食叫咗豬頸肉冬蔭功金邊粉 set + $30 有春卷啲豬頸肉肥到部分都食唔到春卷$30嚟講有啲細份老闆同員工態度非常一般整體黎講唔係啲食評講到咁好…查看更多

位於灣仔街市出面 有得賣魚既個條巷包點達人既隔離再搭lift上一樓上到去直接排隊冇得拎飛不過排隊位置都幾逼下…✨格拋肉碎飯跟煎蛋$75✨睇落平平無奇 但佢埋隻蛋好鬼正個蛋黃撈埋d飯再加肉碎 好好食！我唔係好食得辣 佢辣道岩岩好 唔太辣又唔會太咸✨鑊炒肉片肥粉$69✨雖然望落少少油 但食落都幾驚喜D粉好有彈性 煙煙韌韌😋鐘意食麻薯珍珠個類既話會好鐘意食過咁多泰國炒粉 呢個算係我覺得最特別最好食既一碟👍🏻Lunch set價錢係包埋熱飲😍泰式奶茶都唔洗另外加錢 凍飲加$5個人覺得幾高質 就是有點隱蔽….…查看更多

朋友介紹咗呢間藏身於街市仲要係上樓嘅超隱世泰國菜 （雖然佢位於石水渠街，但係唔係喺藍屋嗰頭唔好去錯），整體個口味都幾正宗，而且份量足價錢唔貴，成餐飯都食得好開心~鳳爪沙律 – 輕盈又清爽嘅前菜，鳳爪口感爽脆而且好入味。呢款相對其他會辣啲啲🌶️🥵（又係整返杯泰象啤嘅時候——）炸蝦餅 - 炸物只要夠香口唔油膩，熱辣辣已經係無得輸，蝦餅夠彈牙再點埋甜酸汁開胃程度upupup大頭蝦冬蔭公 - 酸辣嘅口味最啱悶熱嘅天氣，而呢度嘅特點係仲有大大隻嘅大頭蝦🦐🦐多膏肉甜，令成個湯嘅鮮味更加昇華~泰式燒豬頸肉 - 經過高温火烤嘅豬頸肉外皮帶點焦香，而且迫咗啲油脂出嚟之後食落肥瘦適宜，爽口得很蟹肉炒飯 – 估唔到一百幾十蚊嘅炒飯竟然會有咁多蟹肉，仲要唔係得面頭個啲，飯底裏面都竟然有蟹肉，直頭係可以做到啖啖蟹嘅感覺🦀料多超飽滿，炒得夠乾身，食得好滿足…查看更多

好多年前已經到過新嚐泰泰國餐廳，位於灣仔石水渠街10-12號匯富閣1樓。 小店座位舒適， 主打正宗泰國菜。晚餐 ～ 泰式生蝦、 燒豬頸肉、明爐烏頭、大蝦金邊粉、黃咖哩雞配薄餅、豬肉生菜包和芒果糯米飯， 飲品點了泰式奶茶和珍多冰。 🔸泰式生蝦 ～ 生蝦大隻新鮮，配泰式酸辣汁，惹味開胃。 🔸燒豬頸肉 ～ 燒得剛好，肉質爽口。 🔸明爐烏頭 ～ 酸酸辣辣的湯底， 烏頭魚鮮甜可口。 🔸大蝦金邊粉 ～  Pad Thai 是每次食泰菜必點的， 金邊粉炒得夠乾身，酸酸甜甜幾好味。 🔸黃咖哩雞配薄餅 ～ 黃咖哩香濃唔會太辣， 加上熱辣辣的薄餅吃，味道不錯。 🔸豬肉生菜包 ～ 清新爽脆的生菜包裹惹味的豬肉碎一起吃，滋味無窮。 🔸芒果糯米飯 ～ 飯後甜品必點泰式芒果糯米飯， 芒果香甜糯米飯配上椰漿，很滋味。 整體味道正宗，價錢合理。:)🏷️溫馨提示～ 整個用餐體驗均屬個人分享意見， 只作參考😊。 …查看更多

無意中發現的一間樓上泰國餐廳，價錢以灣仔區而言則中規中矩，雖然是樓上舖，但價錢沒有特別便宜。味道還好，環境不逼迫。冬陰功湯海鮮湯$128上菜方式有點吸引，是用爐上，有蠟燭在保温小的冬陰功湯煲有２隻大蝦，味道酸味太重，辣味欠奉。蝦雖然一點蝦味也沒有，但肉質不溶爛。 小食拼盤$138有２條春卷、２件魚餅、２件蝦餅和炸肉丸生菜包蝦餅彈牙，味道正常。魚餅有加入檸檬葉等香料調味，沒有蝦餅彈牙。勝在２款餅也不會很粉。鑊炒肉片肥粉$69肥粉口感有點像福建的一種麵食: 鍋邊粉的口感，或者可以想像它是比較薄和淋身的薯粉。而它像再有一層油在包裹著這些粉。難怪叫肥粉。肉片不薄，不韌。芒果糯米飯＄６８糯米飯算煙韌，但有點太淋。芒果不甜，但有點汁，沒有渣。…查看更多

聖誕節同屋企人出街睇燈飾，入左赤柱非常多人，坐車入去塞車，出返黎又塞車。之後捻住去利東街睇飄雪。喺灣仔搵到間樓上泰菜，ordered 菠蘿炒飯，黃咖哩配豬肉配薄餅，炒BB椰菜，烤魚。味道方面，吾醎非常好，份量好，裝修亦非常好，整體感覺不錯。…查看更多

平時成日黎食lunch, 雖然價錢唔算平，但足料又正宗👍🏻裝修都好特別，又靚又通風暫時試過豬髀飯、船河、濕炒河同秘製汁撈麵(呢個跟個湯咸左啲😂），樣樣都好食今日天氣好凍，突然好想飲冬蔭公湯，見到細嘅都$120覺得有啲貴，但真係好想飲就叫左，點知嚟到有兩隻大蝦(有啲係得一隻分兩邊/兩隻細嘅）入面仲要勁多膏！第一次見到冬蔭公入面嘅蝦有咁多膏😂仲要肉質都好彈牙 即刻抵番😋😋暫時我心目中嘅灣仔no.1泰菜…查看更多

揾到呢間有啲隱世既樓上泰國菜，office lunch time之選🤗食物高質得黎，地方亦坐得亦幾舒服😌🍜冬蔭公豬頸肉金邊粉(💰72)一上枱已經覺得個湯有料到🤗超濃郁，酸辣都好balance☺️仲好掛汁🥰豬頸肉足足有7-8片!!🥢招牌雞肉炒金邊粉(💰72)比起湯既金邊粉，欣賞炒既金邊粉有幾分韌度😌有咬口😚更有幾分鑊氣😆🥤椰汁冰、泰式奶茶(各+💰5)椰汁冰都只係加$5同其他凍飲睇齊，十分之抵飲🤗…查看更多

好耐無食泰國菜，同事帶左我黎石水渠街呢邊食新野😝。餐廳位置有少少隱蔽，仲要喺1/F，平時行經附近都無留意到呢間餐廳🤣。當日我地特登早左少少到就唔使等位，12點半後開始多人就要等位🤫。店內座位都算多，未算好逼，不過偏嘈吵😂。有12款set lunch提供，好多選擇👍🏻，平均約$7x，泰國野黎講都算差唔多。🔅鑊炒肉片肥粉 ($72)肥粉好有口感！大大片好滑又薄又煙韌，雖然係炒粉但唔會好肥膩。肉片都有好多塊，加埋芥蘭、蛋等等配料炒，好香好足料🤤。🔅冬蔭公豬頸肉金邊粉 ($73)呢間既冬蔭公幾香濃，酸辣都適中，豬頸肉如果煎香啲就好😝。💬整體唔錯，幾正宗既泰菜，價錢都尚可，天氣涼啲可以行黎呢邊食lunch，遲啲再發掘下其他好野同大家分享🤣。…查看更多

原來嚐泰重新開返，改左名叫新嚐泰；兩個人叫左三個餸$395，燒魚，生菜包，冬陰公，好好味，好地道泰國菜，太肚餓唔記得影相，仲有好多餸未試；老闆娘同廚房都係泰國人；餐廳地方企理，廁所重要係好清潔干淨！…查看更多