Latter Cafe

營業中

休息中

今日出去灣仔遊歷，路過一間cafe門口，裝修韓式奶油古風，仲有只可愛毛公仔🧸坐鎮，餐廳入面以木系綠皮椅裝修，簡潔文青。🥗Latter全日早餐 $118～ 德國腸、煙肉、炒滑蛋、牛油果、蕃茄、酸種麵包、粟米三色藜麥、士多啤梨、藍莓。呢個all day Breakfast 好豐富，營養均衡，多菜少肉，賣相色彩繽紛。🦐🌶️ 泡菜大蝦蟹籽辣扁意粉 $138～ 泡菜、虎蝦、蟹籽、洋蔥、蒜蓉、忌廉、扁意粉。雖然有泡菜，但唔會好辣；仲有好多只虎蝦，只只爽口彈牙；面頭鋪滿蟹籽，口感層次豐富，開胃又惹味。☕️ 🐻 動物派對盲盒拿鐵 $68～ 多款latte選擇，朱古力控嘅我揀咗Chocolate Latte，朱古力唔會好甜，所以配粒甜美嘅狗狗造型棉花糖就啱啱好。🍵 🍓士多啤梨奶油抹茶 $62～ 香甜士多啤梨奶油，配上濃香抹茶，啖啖奶香軟滑，櫻花造型嘅蛋白，賣相十分吸睛。