Latter Cafe

上網見到呢間好靚嘅餐廳，就約埋朋友提早過聖誕，門口已經有大大棵聖誕樹做裝飾，仲有好可愛嘅熊啤啤。不過其實最吸引我嘅，係佢地嘅動物棉花糖。 其實本身都好鍾意食西餐意粉，不過見呢度有啲平時比較少見嘅款式，所以就叫黎試下 壽喜燒牛肉扁意粉牛肉煮得剛好，夠林份量又多，意粉吸收了壽喜燒醬汁的甜味，原來同意粉都好夾，而且好多汁，好夠味，又濃郁，有驚喜。 鹹蛋黃蟹肉扁意粉見呢個幾特別所以試下，鹹蛋黃搭配蟹肉，都幾夾，有鹹蛋黃嘅鹹香再加蟹嘅鮮甜味，仲有蟹籽增加口感，成個配搭都好好味，今次試呢兩款平時比較少見嘅意粉都好有驚喜，好滿足。 動物派對盲盒拿鐵話明為左棉花糖而黎，緊係要飲呢杯盲盒啦。送上黎係白熊，真係超可愛，仲有掌印，好細心呀。呢杯係有朱古力味調制的拿鐵，好香好濃郁。 肉桂朱古力都未飲過肉桂配朱古力，所以好想試下，肉桂的香氣原來同朱古力好夾，帶來溫暖感覺，面頭仲有cream同裝飾好靚呀，好有聖誕feel。 Latter芭菲杯呢杯又係重點，因為一樣有勁可愛嘅棉花糖公仔，裡邊有mochi同埋tiramisu，邊頭仲有餅同士多啤梨，真係好豐富。 呢間餐廳唔止環境靚食物靚，而且仲好好味，好有心思，職員都好有禮貌，今日同朋友都食得好開心。…查看更多

餐廳：Latter Cafe地點：灣仔謝斐道菜式：咖啡室餐牌：brunch常餐，包類，甜品。飲品包括咖啡，非咖啡，特飲。落單用QR code。鹹蛋黃蟹肉扁意粉 $138 另加一鹹蛋黃蟹肉扁意粉好大份，扁意粉al dente而微辣，撈有洋充足鹹蛋黃醬，不過唔會太鹹。面頭加有好多蟹肉同大量蟹子，可以加添脆脆口感，最後加上菜苗裝飾。扁意粉個汁好惹味，唔會太辣，而口感既滑且脆。煙三文魚牛油果醬意粉 $138 另加一煙三文魚牛油果醬意粉面頭有花形煙三文魚，灑上香草，下底就係撈有番茄同豐富牛油果醬既扁意粉，第一次食牛油果醬意粉，原來味道都唔錯，呢度好足料，真係食到好多牛油果蓉。Latter 芭菲杯 $78 另加一Latter 芭菲杯打卡一流，透明高身玻璃杯中間有可愛企鵝棉花糖坐係Tiramisu加上朱古力同抹茶麻糬粒上面，仲有聖誕節造型曲奇陪住。玻璃杯頂仲有一片曲奇加上新鮮士多啤梨同忌廉，最後灑上糖霜做成落雪效果，好有節日氣氛。Tiramisu好濕軟，口感滑溜，咖啡味好濃，配麻糬粒同曲奇帶黎唔同口感。動物排隊盲盒拿鐵 $68 另加一呢杯動物排隊盲盒拿鐵係盲盒系列飲品，飲品面頭棉花糖係隨機，拉花都好靚，見到個可愛熊仔好似浸緊浴咁上枱比我地，好寫意，令人唔捨得飲。飲品有多款口味揀，我地揀左橙朱古力同埋用全脂奶。朱古力好滑溜，帶微微橙味，配甜到漏棉花糖好夾。肉桂朱古力 $62 另加一肉桂朱古力面頭加上厚厚忌廉，一塊聖誕造型朱古力曲奇同其他聖誕裝飾朱古力。飲落係好香肉桂味。總括而言，呢餐主菜甜品飲品質素都不俗，特別欣賞食品賣相心思。餐廳環境乾淨舒服，用木製餐桌同餐椅，服務員有禮。…查看更多

呢間Café我想試好耐㗎喇，不過次次食飯時間都好full，一路都試唔到🥲難得今日嚟到附近食個late lunch，終於可以試吓🥳見到menu有鹹蛋黃蟹肉扁意粉好吸引，緊係要試試🤤蟹肉唔單止份量非常澎湃，仲好鮮甜，鹹蛋黃再加埋蟹籽顏色好鮮艷，扁意粉口感唔錯👍🏻天氣涼涼地最啱食辣嘢，叫多個泡菜大蝦蟹籽辣扁意粉，少許辣辣地，大蝦爽口彈牙，高質👍🏻今日咁晏食lunch，連埋tea一齊食啦🤣叫左個超靚嘅Latter 芭菲杯，好有聖誕🎄feel嚟到cafe 當然叫飲下咖啡，蘋果冷萃咖啡，冷萃唔怕酸，蘋果汁同咖啡味道幾balance肉桂朱古力，淡淡嘅肉桂味，冇平時淨係朱古力咁悶😋…查看更多

位於灣仔的謝斐道, 走進Cafe 內，便能感受到滿滿節日氣息—空間以柔白與木質調為主，給人既溫馨又放鬆的感覺。餐牌中最令人印象深刻的是鹹蛋黃蟹肉扁意粉。金黃綿滑的醬汁包裹著意粉，每一口都是濃郁鹹香與蟹肉鮮甜的交織，份量剛好，入口不膩。有點微辣煙三文魚牛油果溏心蛋沙律則是輕盈的開胃選擇。三文魚的鹹香、牛油果的柔滑與溏心蛋的香濃相互襯托甜品方面，Latter 芭菲杯 是視覺與味覺的雙重享受。玻璃杯頂有一塊曲奇，加上新鮮士多啤梨及忌廉，最後灑上糖霜造成落雪的效果，非常有節日氣氛，杯裏面有一隻可愛企鵝棉花糖坐在Tiramisu 加上朱古力及抹茶麻糬粒在上面，靚到唔捨得食。飲品推薦肉桂朱古力與盲盒綠茶鮮奶。朱古力濃厚中帶著淡淡肉桂香，是寒冬裡最合適的暖心飲品而綠茶鮮奶睡眠有一隻非常可愛的熊仔，又棉花糖製成，完全唔捨得飲。綠茶鮮奶非常滑溜，配上棉花糖，很夾。整體而言，Latter Cafe 無論在環境布置還是餐單設計上，都巧妙地將聖誕氛圍與現代簡約風融合。…查看更多

星期六加完班，去咗公司附近間Latter Cafe嘆返個靚下午茶充電！舖頭位置幾就腳，灣仔謝斐道金聲大廈地下，裝修走簡約文青風，坐得舒服，啱晒同朋友傾偈chill下～芝士火腿哈密瓜沙律配搭好清新！份量十足，材料豐富，適合 share 食，味道清新有層次。鹹蛋黃蟹肉扁意粉係必點之選！鹹蛋黃醬超濃郁，掛滿每條扁意粉，蟹肉份量都唔少，鮮味同鹹香夾得啱啱好！Latter芭菲賣相靚到唔捨得食！層次好豐富，士多啤梨、麻糬、企鵝造型棉花糖、tiramisu一層層疊上去，甜度控制得剛好，食完唔會膩～蘋果冷萃咖啡味道清新，肉桂、果汁、咖啡嘅比例平衡得幾好，好特別，好治愈！總括嚟講，食物有水準，環境舒服，服務態度都好 nice，係灣仔區一個隱世放鬆好地方！…查看更多