影片
以上資料只供參考, 請與餐廳確認詳情
相關文章
Latter Café一家位於灣仔的西式休閒咖啡店，提供多樣化的全日早餐及意粉選擇。店內的香煎帶子明太子扁意粉 $148值得推薦，香氣濃郁，帶子新鮮；壽喜燒牛肉扁意粉 $128則完美融合了日本壽喜燒的甜味與西式烹調手法。咖啡方面，推薦動物派對盲盒拿鐵 $68，每次會隨機送上不同的動物造型棉花糖，很受歡迎，小熊造型特別可愛，不僅賞心悅目，朱古力的香氣與奶泡的細膩質感完美結合，口感層次豐富。這類創意立體動物造型咖啡絕對是打卡必選。另外，士多啤梨冷萃咖啡 $68也特別值得一試，咖啡香氣與水果清甜相融，風味獨特。最令人驚喜的是精緻甜品Latter芭菲（$78），這款甜品層次分明且用料講究，底層是香濃栗子Tiramisu，上層是順滑忌廉芝士，再配上不同顏色的煙韌麻糬粒、兔仔棉花糖和新鮮草莓，用木質托盤盛載，既好吃又好看。店內環境簡潔舒適，裝潢簡約優雅，服務態度友善。無論是聚會還是獨自享用一杯咖啡，這裡都是不錯的選擇。
繼續閱讀
今日同個朋友聚舊，問佢想食乜，佢話當然要食得又靚又健康，search咗成晚決定去灣仔謝斐道呢間cafe試下。 今日著到成個凱特皇妃咁靚嘅朋友，去到cafe門口已經不停打卡，行到入店更加不得了，足足影咗十五分鐘先肯坐低叫嘢食 。連早餐都未食嘅我哋想要一份all day breakfast，全日早餐原來都有兩款，傳統款都係腸仔煙肉茄汁豆嗰啲，我哋咁靚又健康梗係試下有營全日早餐，除咗有沙律菜，炒蛋，蕃茄，牛油果，多士之外，仲有少少士多啤梨，藍莓，同一杯鮮果乳酪，真係健康美味之選。 另一個煮食我哋叫咗香煎明太子帶子扁意粉，呢個pasta份量一啲都唔細，我本來以為係用現成明太子醬撈出嚟嘅意粉，出面好多餐廳都係咁做，但原來係有一啲真嘅明太子，應該係輕輕煎過，加埋帶子同一啲菇菌類，整個配搭好令人滿足。 呢度嘅飲品都係打卡焦點，朋友叫咗杯士多啤梨奶油抹茶，我就想試下動物派對盲盒紫薯拿鐵，冇指定要咩動物之下店員會隨機安排，我得到嘅係一隻唔知係兔仔還是狐狸定啤啤熊嘅小動物棉花糖，好驚佢溶，但最後證實係唔會，最後都唔捨得將佢食落肚。甜品係開心果抹茶芝士蛋糕，呢個cake我覺得係必點，開心果香味嘅cheese cake非常濃郁，上面仲有開心果碎，完全滿足曬開心果控嘅願望。 另外值得一讚係呢間cafe嘅靚仔靚女員工全部都好有禮貌，今餐食得好開心，下次再帶朋友過嚟食好嘢+打卡。
繼續閱讀
同家姐好鍾意搵一啲唔同嘅靚Cafe去打卡，今日去咗位於灣仔嘅一間Cafe，雖然我係衝着佢嘅甜品杯以嚟，不過食甜品之前都要醫左個肚先，佢有lunch set價錢都幾合理，一個主菜可以加配一杯嘢飲，主菜我叫咗明太子帶子意粉，一大條明太子配埋啱啱煎好嘅帶子，撈埋一齊食，小小辣好開胃好好味。另外去Cafe我哋都比較鍾意食麵包類，有我哋最愛嘅牛角包，我揀咗配黑松露炒蛋加牛油果再加煙三文魚，賣相非常靚，牛角包好酥脆，黑松露炒蛋真係好香，配埋其他材料一齊食，真係非常滿足。最後餐飲我哋就叫咗一杯熱Moca，同埋額外叫咗杯店員推介好有特色嘅士多啤梨咖啡，入口有淡淡的士多啤梨味，配埋濃濃嘅朱古力，估唔到咁夾，味道都幾特別。而去到我最期待嘅甜品環節就係呢個甜品杯，紅啤啤嘅棉花糖，實在太可愛，棉花糖下面有奶凍同埋芝士蛋糕等等，好睇又好食，慢慢坐喺Cafe慢慢飲慢慢食，好chill咁過咗一個下午，下次要再試埋其他食物先。
繼續閱讀
Latter芭菲杯兼具顏值與口感的甜品。讓人陶醉於絲滑的口感與層次分明的風味之中。士多啤梨冷萃咖啡新鮮的草莓與手工調製的冷萃咖啡相結合，感受到清新的果香與深邃的咖啡香氣在口中交融，適合喜歡果香與咖啡雙重風味的朋友有營全日早餐包含了現烤多士、新鮮水果，搭配特製醬料，營養均衡且美味滿分，是開始一天的最佳選擇。冷萃西柚檸檬紅茶新鮮西柚與檸檬相結合，經過冷萃處理，散發清新果香，每一口都感受到大自然的清新與寧靜香煎雞胸溏心蛋牛油果沙律健康美味，以香煎的雞胸肉，再搭配溏心蛋、新鮮牛油果及蔬菜，淋上特製醬料，口感豐富營養均衡
繼續閱讀
Latter Cafe灣仔謝斐道151-153號金聲大廈地下E號舖味道評分:☄️(必食之選)>☀️>🌤>⛅️>💨☄️壽喜燒牛肉扁意粉 $128非常濃味，每一條扁意粉都沾上壽喜燒汁，撈埋溫泉蛋食更有風味，另外牛肉份量都好足夠🥰估唔到fusion意粉都做得咁好~☀️Flat white $23 單品豆（榛果、朱古力、紅酒、威士忌）$3男朋友好高評價，真係有酒味✨☀️有營全日早餐 $128健康之選~好想問吓究竟係點樣做到咁滑嘅炒蛋！士多啤梨乳酪會偏甜，我鍾意配埋士多啤梨同藍莓一齊食~☄️士多啤梨冷萃咖啡 $68士多啤梨奶蓋配搭冷萃咖啡，奶蓋的甜意覆蓋了少許咖啡嘅苦澀，飲落冇違和感，不錯！☀️Latter芭菲杯 $88少女心爆棚的甜品，觀賞度極高，有可愛的柴犬造型公仔🤤估唔到嘅係芭菲杯內有輕芝士蛋糕、牛奶味濃的布甸同煙靭麻糬粒，全部都食到我停唔到落黎🤣如果份量再多d就更加好啦~
繼續閱讀