古琴雅苑 (QRE Plaza)

營業中

休息中

母親大人好鍾意食片皮鴨，前幾日就book咗呢間中菜一家人食。٩(˃̶͈̀௰˂̶͈́)و烤北京填鴨 (半隻) 上填鴨之前有一碟一口酥，係鴨皮最脆最油膩嘅部分，可以點砂糖或者黃梅醬食，口感酥脆，入口即溶。片皮鴨肥瘦均勻，鴨皮燒得啱啱好，皮脆肉嫩，有油香，唔會太油膩。餅皮厚薄適中，好煙韌，配料就有青瓜、密瓜、京蔥同甜醬，包住一齊食好滿足。至尊拼盤至尊拼盤有揚州水晶肉、手拍青瓜、雞絲粉皮、花雕醉雞同四喜烤麩。手拍青瓜十分開胃。四喜烤麩內有毛豆、雲耳同埋冬菇，花雕醉雞酒香味濃，肉質嫩滑。鮑魚小炒肉鮑魚小炒肉味道濃郁。鮑魚片彈牙，加上豬肉片炒得香口惹味。古琴炒飯 炒飯好大碟，調味好足夠，有好多蝦仁，炒得有鑊氣。