貊炙

營業中

休息中

喺新鴻基中心嘅高級韓燒，裝修有格調，座位闊敞舒適，食材有水準，服務態度超讚。燒肉全程店員代勞，店內抽氣系統做得很好，完全唔覺係燒肉店，完全冇味同店內超級潔淨👍🏻韓式前菜泡菜・辣蘿蔔・菠菜・海鮮大豆芽等等，好正宗，特別係泡菜，唔係好辣，但有少少甜，好好食，所有前菜仲可以refill貊炙牛盛合 $480有和牛肋眼上蓋、和牛牛肋肉、極上牛小排、和牛牛裙肉、稀少和牛三筋肉。牛小排肉質結實，和牛外裙肉入口即溶，所有油脂分佈恰到好處，唔會覺得好油膩又有口感，肉味濃，燒得好夠油香😋份量仲超多韓國生菜包配自家大醬 $38燒肉用生菜包住嚟食感覺唔油膩又健康，生菜勁新鮮，好有水份鹽磚熟成肉眼 $788上枱有d驚喜，塊肉眼超厚，牛雪花好平均，店員燒得燒得好好，燒好再放喺鹽磚上，熱力加埋油脂，溶化鹽磚，鹹味滲入牛肉內，少少鹹味更帶出香濃肉味👍🏻1++韓牛生牛肉石鍋飯 $188石鍋熱辣辣，熱力剛好辣熟牛肉，配埋雞蛋同配菜只係少少濕潤，飯夠乾身👍🏻配料豐富，食到底仲有飯焦😋西柚乳酸梳打 $50/青瓜青檸梳打 $42青瓜青檸梳打夠清新又健康；西柚乳酸酸甜可解油膩，仲唔太甜