段純貞X日出茶太 (The Johnston)

營業中

休息中

今次黎到灣仔既「段純貞牛肉麵」，地方乾淨闊落，坐得舒服唔逼。由小食、湯麵、甜品，樣樣都有驚喜，好有地道台灣風味。🔸 招牌紅燒腱心牛肉麵（手工粗麵） 湯頭用牛骨、豆瓣醬、十幾種香料熬足時間既濃湯精華，飲落甘甜，後勁微辣帶醬香，好有層次！牛腱心筋肉比例啱啱好，又軟又彈牙，咬落仲有黏嘴嘅膠質，吸收哂湯汁！手工粗麵煙韌彈牙，非常掛汁。 配埋酸菜，好解膩。🔸 青花椒香手撕雞乾拌麵 青花椒嘅麻唔攻鼻，反而陣陣清香！手撕雞肉好多，加埋花生粒，口感豐富～仲有滑溜流心蛋！ 🔸 鹽酥雞 台式小食鹽酥雞，外皮炸到金黃脆卜卜，入面雞肉嫩滑juicy，調味鹹香味道剛好。 🔸 蒜醬油麥菜 油麥菜灼得翠綠爽口，蒜醬唔咸略帶蒜香。🔸 滷豬大腸 滷得入味，腸身彈牙得嚟帶豐腴油脂，滲出油香～伴碟既花生都非常入味！ 🔸 甜品：芋圓2號：加咗桂花冰糖、紅棗杞子，甜得嚟好養生，豆花滑溜豆味濃，三色圓（芋圓、地瓜圓、紫薯圓）Q彈有嚼勁！ 芋圓3號仙草、芋泥、紅豆、雙色珍珠堆到滿滿，黑糖甜得溫柔，芋圓煙韌。