影片
更多
2021-08-05
625 瀏覽
灣仔既Pici 係太古廣場3期附近，好近美食小店林立既星/月街。放工百無聊賴行過附近，搵地方開餐見到裝修好似幾靚，可以靜靜地對着人流唔多既街食飯，反正一個人就坐低試一次。之前一早知道呢間餐廳嘅主打係佢哋嘅手工意粉，網上嘅評價幾高。第一次嚟到先試左佢哋一個主打嘅意粉同叫多個主打甜品試一下。.根據一般嘅高級西餐廳做法，侍應先送上四件小嘅法包做前菜，會有橄欖油同埋醋俾你選擇。個法包好貼心用紙袋包住，應該係驚你食唔晒想攞走唔好浪費😁。 我最終淨係食咗一舊其他都攞走晒，麵包質素正正常常唔算特別好食。.1️⃣Tagliolini Truffle💲180⭐️3.8/5其實成個餐牌都係意大利文嘅菜式名，唯有上網搵圖認字🤣🤣🤣 睇吓自己想食啲乜嘢。呢份Tagliolini外觀上好似我最近食過另間既手工卡邦尼意粉，呢個係餐廳招牌菜。Tagliolini 即係意大利嘅細扁麵，個樣其實好似一般嘅意大利粉，唔係上網研究吓都唔會知。意大利麵係用左白松露汁🤤，上面有好多黑松露片。個汁唔會太稀或者太杰身，好有油香。上面黑松露片加埋一齊我覺得幾好食，口感唔係爽身但都唔錯。雖然影相唔靚仔，但味道上我自己覺得啱啱好。如果要挑剔嘅
.
根據一般嘅高級西餐廳做法，侍應先送上四件小嘅法包做前菜，會有橄欖油同埋醋俾你選擇。個法包好貼心用紙袋包住，應該係驚你食唔晒想攞走唔好浪費😁。 我最終淨係食咗一舊其他都攞走晒，麵包質素正正常常唔算特別好食。
.
1️⃣Tagliolini Truffle💲180
⭐️3.8/5
其實成個餐牌都係意大利文嘅菜式名，唯有上網搵圖認字🤣🤣🤣 睇吓自己想食啲乜嘢。呢份Tagliolini外觀上好似我最近食過另間既手工卡邦尼意粉，呢個係餐廳招牌菜。Tagliolini 即係意大利嘅細扁麵，個樣其實好似一般嘅意大利粉，唔係上網研究吓都唔會知。意大利麵係用左白松露汁🤤，上面有好多黑松露片。個汁唔會太稀或者太杰身，好有油香。上面黑松露片加埋一齊我覺得幾好食，口感唔係爽身但都唔錯。雖然影相唔靚仔，但味道上我自己覺得啱啱好。如果要挑剔嘅話我覺得個麵其實幾油下，有少少食到成口油嘅感覺。同埋唔知係咪因為肚餓，我覺得份量唔係好多，食完都唔係話非常飽。😝。
.
2️⃣Tiramisu 💲60
⭐️3.5/5
食完一個意粉唔係好飽，但都冇理由一個人試兩個意粉咁誇張。所以叫多一個甜品令到呢餐更加完美。餐廳甜品得兩款，選擇唔多。唔知係咪因為呢排食咗好多西餐，間間都話自己嘅提拉米蘇係最出名🤣🤣，呢間手工意粉餐廳都唔例外。佢地甜品賣相就一般啦，係最正頭正路樣唔係打卡款，味道都係中規中矩，係最傳統嘅味道。
.
總結：我幾鍾意呢間餐廳嘅環境，基本上係半戶外進餐幾舒服。服務都好好，不過灣仔呢一個區域通常請全英文侍應，餐單有一大堆完全唔識既意粉名唯有手指指🤣，所以如果有多份半中文Menu我會更加開心。手工意粉質素合格。甜品就一般，應該只係因為太傳統已經滿足唔到我啦😅。 純意粉來講有少少偏貴，到此一遊系列。
.
不專業食評 nei.foodie
Tagliolini Truffle
$180
64 瀏覽
0 讚好
0 留言
40 瀏覽
0 讚好
0 留言
Tiramisu
$60
50 瀏覽
0 讚好
0 留言
張貼
