新泰東南亞餐廳 (興旺閣)

營業中

休息中

灣仔泰菜好去處今次餐廳好有氣派，入到去先知原來有層，仲要3層都可以full house，真係好少見。值得一讚既係，座位闊落，坐得好舒服。冬蔭功﹕一定要試味道豐富、夠濃郁，食材足料。湯底夠濃，飲得出係落足料先做到呢個味，濃湯加埋味，再加少少辣度，好惹味。海鮮都好足料。串燒﹕叫左豬、牛、雞三種，味足，肉嫩。最推介雞肉，雞皮略脆，雞肉鮮嫩，加埋漿汁，好惹味。軟殼蟹咖喱包超巨型，叫左呢個可以唔洗叫主食。包似法包質地，外皮脆，內鬆軟，點咖喱一。咖喱口味偏甜、椰香型的，唔係辛辣型咖喱，岩晒大家口味。軟殼蟹有好多件，唔會炸完完全冇肉。2個人食呢道菜真係好飽。雞肉生菜包好少見有得揀雞肉，其他餐廳大多係豬肉，雞相對冇咁油膩，加埋生菜，更清爽，正。呢間性價比真係好高，會再回黎試其他菜式。