影片
更多
2019-05-09
412 瀏覽
有啲地方男仔永遠都唔明白女仔點解會咁想去，不過就係咁先變咗女士們嘅秘密天地！好似灣仔最近新開嘅「ULURU Cuisine」，以純白歐陸風格嘅餐廳，牆上畫滿黑白色嘅手繪，就好似置身童話繪本世界一樣，充滿歡樂氣氛，絕對係同閨密傾計打卡嘅好地方！我 依莉詩 當然要趁放假，去食個 Brunch啦！走入黑白手繪世界估唔到而家唔使去深圳，灣仔都有一間靚靚嘅打卡 Cafe，全店裝修都係以黑白色為主，店內每幅牆上壁畫都由一班大學生親手繪畫，用黑白簡約線條勾勒出歐洲嘅街道同大宅輪廓，當中嘅櫥櫃、書櫃、梳妝台等，配合真實嘅純白色傢俱，令人有錯覺自己都係手繪世界嘅一部份，更容易投入其中。打卡位1：通往童話的長樓梯餐廳係利東街隔離嘅春園街，因為門口唔係面前大街，所以比較難發現，好彩門口外牆就已經有黑白繪畫，所以都容易認。入到門口，最令人驚喜就係一條長長嘅白色樓梯，兩旁同樣畫滿手繪，一路行上去就好似愛麗絲慢慢走入童話世界一樣，非常興奮！打卡位2：專屬的化妝間入到餐廳係一個好似化妝間嘅影相位，牆上畫咗梳咗枱，配埋真實嘅鏡同凳，就好似要呼喚大家為影靚相做好準備！打卡位3：黑白的秘密走廊未坐低想先去過洗手間，發現餐
走入黑白手繪世界
估唔到而家唔使去深圳，灣仔都有一間靚靚嘅打卡 Cafe，全店裝修都係以黑白色為主，店內每幅牆上壁畫都由一班大學生親手繪畫，用黑白簡約線條勾勒出歐洲嘅街道同大宅輪廓，當中嘅櫥櫃、書櫃、梳妝台等，配合真實嘅純白色傢俱，令人有錯覺自己都係手繪世界嘅一部份，更容易投入其中。
打卡位1：通往童話的長樓梯
餐廳係利東街隔離嘅春園街，因為門口唔係面前大街，所以比較難發現，好彩門口外牆就已經有黑白繪畫，所以都容易認。入到門口，最令人驚喜就係一條長長嘅白色樓梯，兩旁同樣畫滿手繪，一路行上去就好似愛麗絲慢慢走入童話世界一樣，非常興奮！
打卡位2：專屬的化妝間
入到餐廳係一個好似化妝間嘅影相位，牆上畫咗梳咗枱，配埋真實嘅鏡同凳，就好似要呼喚大家為影靚相做好準備！
打卡位3：黑白的秘密走廊
未坐低想先去過洗手間，發現餐廳有兩個大廳，中間由一條長長嘅走廊分隔。當然兩邊都係不同主題嘅黑白手繪。而最估唔到就係黑白手繪當中，隱藏咗通往男女洗手間之門！
打卡位4：只有你的私家座位
影咗咁耐係時候坐定定，餐廳比起一般香港嘅樓上 Cafe 大，座位款式有好幾種，Bar枱、二人枱、多人長枱都有，而且位同位之間好寬落。無論想一個人享受寧靜下午，同閨密傾計歎茶、三五知己開生日 Party 都好合適呢！
打卡與味道兼備的主食與甜品
雖然係打卡 Cafe ，但食物同飲品都花盡心思，唔止賣相精緻，連味道食物水平都唔錯。餐廳主打西式 fusion 菜，Lunch Set 選擇大約有 8 款，一百蚊左右連餐湯同麵包，都唔算太貴。如果想影靚相，我推介大家一定要加錢轉特色花茶，凍花茶入面有朵可食用嘅玫瑰花，打卡一流！當然甜品就更加唔使講，每一款嘅貌相都好睇得！
4 瀏覽
0 讚好
0 留言
港式 All Day Breakfast
$128
107 瀏覽
0 讚好
0 留言
呢個 All Day Breakfast 好特別，除咗平時都見到嘅德國腸、炒滑蛋同煙肉外，仲加咗香港嘅特色小食 - 雞蛋仔同 XO腸粉。當中黑松露炒蛋有淡淡黑松露香，都幾滑，而 XO腸粉亦都好惹味。雖然份量唔多，不過都夠飽肚。
香煎澳洲肉眼配黑松露紅酒汁
$128
39 瀏覽
0 讚好
0 留言
肉眼算大塊，肉質軟腍，而黑松露紅酒汁味道濃郁，幾配牛肉。野菜亦灼得啱啱好，爽口清新。
37 瀏覽
0 讚好
0 留言
粉碟花之丘
$78
68 瀏覽
0 讚好
0 留言
去得打卡 cafe，甜品梗係重點！呢個「粉碟花之丘」用人手即製嘅糖膠做花盆，入面放滿 brownie 、 chocolate crumble 同 cream，仲有多款可食用花，色彩繽紛，賣相滿分！
特色花茶 (套餐+$28)
54 瀏覽
0 讚好
0 留言
特色花茶係玫瑰花茶，配上可食用玟瑰同香草，飲落散發淡淡玫瑰清香，清甜解渴。
特色咖啡 (套餐+$28)
34 瀏覽
0 讚好
0 留言
特色咖啡除咗拉花，連杯邊都特別用朱古力裝飾過，苦中帶甜，非常吸引。
張貼
