911
77
20
| 餐廳: | ULURU |
|---|---|
| 優惠: |
於此國泰夥伴餐廳用餐賺里 ! 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
港鐵灣仔站 A3 出口, 步行約2分鐘
繼續閱讀
電話號碼
23666448
開飯介紹
裝修全部以黑白手繪畫為設計，主打中西Fusion菜。色彩豐富的精緻菜式與黑白色裝修形成強烈對比，拍照效果一流。
繼續閱讀
營業時間
今日營業
11:30 - 22:00
星期一至日
11:30 - 22:00
*最後落單時間: 21:30
以上資料只供參考, 請與餐廳確認詳情
優惠
| 餐廳: | ULURU |
|---|---|
| 優惠: | 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
食家推介
相關文章
2216 瀏覽
Mad Pink牛一，舞友們為滿足其愛拍照嘅喜好，上網專登揀咗間打卡聖地「ULURU」開P慶生。入夜後，西餐廳隱蔽於橫行嘅門口非常光猛，不易錯過。通往一樓用餐大堂可步上梯級，或抵達時至電接線生話想搭𨋢，年輕嘅服務生都好樂意協助。店子嘅黑白二次元主題非常獨特，梳妝台、書架、鏡框等裝飾均為平面圖，置身其中彷如進入咗童話世界入面。室內面積寬廣，連走廊通道空間感都一樣咁足，洗手間好似通過機關門入返現實時空，都幾過癮。生日派對被安排入座梳化靚位。飲品餐牌共有兩頁，不過XO仔訂座前已探咗路，知悉餐廳不收分毫開瓶費，結果當然係自己帶酒啦！嘻嘻，壽星女唔洗返工，兩口子一早就帶齊架生率先狂影兼𣈱飲一番！晚市單點項目則有八頁。最後兩頁為打卡熱選嘅靚靚甜品，其中兩款粉紅色同粉藍式嘅招牌二次元蛋糕必先預早訂定。有名你叫「Mad Pink」，即為粉紅而瘋狂喎，生日梗係要有粉紅色啦，做足功課嘅小肥一定唔會令佢失望嘅！炸香脆粗直薯條配黑松露醬（$68）：歡樂時光先點咗客薯條送酒酒。薯條外脆內軟，點埋另上嘅黑松露醬即倍添芳香！煙三文魚露筍卷（$98）：三文魚卷一客只有三件，舞友們讚好新鮮，細佬自己唔係咁好煙燻味，所以只交由相機代食。酥皮焗田螺（$108）：看似為店長但不願透露身份嘅樂哥哥極力推介酥皮焗田螺，盛意拳拳一定要試啦！圓碌碌、熱辣辣嘅小食一口一件，皮層真如餸名般酥脆香口，入面嘅田螺肉軟潤彈牙，份量恰到好處，就連原本話唔食田螺嘅M王子試咗一件都話好食，咁即係掂啦，果然好介紹！阿根廷紅蝦刺身配蕃茄沙沙多士（$138）：一眾舞友緣自阿根廷探戈，因情意結關係而點黎捧捧場。金黃嘅多士底十分鬆化，蝦多士震撼地原隻大蝦連頭上，甜潤爽脆，一客兩大件其實可以四個人分享。柚子鮮蝦沙律（$78）：沙律嘅菜菜同已去殼嘅蝦仁都好爽，女仕們最欣賞混入嘅沙田柚肉好清新同個沙律汁係另上嘅，屬輕盈健美之選。白酒忌廉牛油紐西蘭半殼青口配蒜蓉包（$118）：青口鮮甜香滑，一啲餲味都冇，真心覺得高質美味過某比利時連鎖店。羊扒大蝦配新薯紅酒燒汁（$238）：半生熟嘅羊肉好軟熟，開咗邊嘅大蝦明顯冇蝦多士嗰隻咁正，不過白雪雪嘅蝦肉都好爽身。香煎美國有骨豬鞍扒伴蘋果燒汁（$258）：厚厚嘅豬鞍尚算爽口，但個人覺得偏乾咗少少，肉汁未為最豐沛。虎蝦海鮮冬陰功韓式年糕（$138）：虎蝦其實好爽彈，韓式年糕亦煙煙韌韌，不過敗筆在於調味過咸！受酒精影響下成枱人基本上係零怕醜，直接同樂哥哥反映意見，真係冇諗到佢不單意見接受，仲靜靜地加送靚靚嘅抹茶甜品，甜甜嘅心意成功擺平咗過咸嘅重口味，一眾女生都覺得誠意行動同其外表一樣低調得可愛！富士芝櫻祭 - 丸久小山園抹茶Tiramisu（$118）：呈富士山形嘅抹茶味Tiramisu外表吸睛，頂面座鳥居菂薂尤甚，微甜嘅糕身軟綿且夠潤，抹茶味芳香怡神，混埋綑邊嘅朱古力泥直令口感更有層次！粉紅色ULURU二次元立體夢幻蛋糕（$138）：招牌蛋糕嘅平面設計勁襯牆上嘅手繪壁畫，粉紅色玫瑰味厚層忌廉下嘅海綿蛋糕夾入甜甜嘅荔枝同紅莓，甜度剛剛好，感激師傅特意寫上祝福字句！夢 - 森の家（$128）：甜品嘅蘑菇造型實在逼真，取名為「森林之家」不禁令人聯想起藍精靈嘅蘑菇屋，喺二次元嘅背景下尤其趣緻夢幻！蘑菇外層乃濃甜脆脆嘅白朱古力，一層一層一層的剝開，驚喜更陸續有來！蘑菇頭入面原來係香軟嘅士多啤梨慕絲包住件蛋糕，菇柄竟然塞滿士多啤梨果蓉同果醬，連同大大粒士多啤梨及朱古力泥食落去又一啲都唔覺溜，細緻精妙得連一向咀刁嘅M王子都食個不停，讚口不絕，確真難得！花見（$98）：樂哥哥細心提點玫瑰啫喱檸檬撻內含杏仁，小肥即只准睇唔准食。灣仔打卡熱店「ULURU」光鮮開揚，輕鬆幽閒，服務生親切幽默，黑白嘅二維空間與鮮美奪目嘅魔幻甜品將二次元主題發揮得淋漓盡致！價格不高、免收開瓶費、細心體貼之情等有心舉動足以令壽星Mad Pink及舞友們樂在其中，讚嘆不已，有心食肆絕對值得支持！
繼續閱讀
HUNGRY FOR SWEETS🍭🍬🧁@uluru.hkfollow us to this super cute black&white 2D cafe entirely hand painted - good for some fresh coffee and desserts! we hear they serve simple fusion food as well 🍝🍹☕️walk into this space and you feel like youve become two dimensional as well
繼續閱讀
前排見到好多人介紹依間餐廳嘅甜品，造型都好有特色🤩，加上佢哋嘅裝修係黑白二次元繪畫，所以特登過海去試一試佢❗️🥩澳洲肉眼扒配蒜蓉紅酒汁𝐴𝑢𝑠𝑡𝑟𝑎𝑙𝑖𝑎𝑛 𝑅𝑖𝑏-𝑒𝑦𝑒 𝑆𝑡𝑒𝑎𝑘 𝑤𝑖𝑡ℎ 𝐺𝑎𝑟𝑙𝑖𝑐 𝑅𝑒𝑑 𝑊𝑖𝑛𝑒 𝑆𝑎𝑢𝑐𝑒幫襯當日唔算好肚餓，同男朋友叫咗一個lunch set一齊share，件肉眼扒不過不失，唔算好特別🙂佢嘅伴碟係薯菜，佢哋個薯角加埋個汁都幾好味嘅~是日餐湯係蘑菇湯，texture偏水，唔係好濃郁；餐包都冇咩特別，就唔多介紹了🙂🍟 炸香脆粗直薯條配黑松露醬𝐹𝑟𝑒𝑛𝑐ℎ 𝐹𝑟𝑖𝑒𝑑 𝑤𝑖𝑡ℎ 𝐵𝑙𝑎𝑐𝑘 𝑇𝑟𝑢𝑓𝑓𝑙𝑒另外叫咗個小食，係我至愛嘅粗薯🤤可惜上枱個陣唔係新鮮熱辣辣🥲要讚吓佢哋嘅黑松露醬，真係好濃郁❗️仲有食到d啤酒味🍺但食到後面後勁不繼啦，食太多係會覺得膩，建議多d人share會比較好。🍮 嚕嚕米-森の家𝑀𝑜𝑜𝑚𝑖𝑛 𝑊𝑜𝑟𝑙𝑑好可愛嘅打卡甜品~😍佢個造型係個蘑菇🍄，菇頭同根位都一樣係草莓乳酪加果茸蛋糕🍰，整體味道好適中，📸打卡一流呀~😆🍹 𝑈𝐿𝑈𝑅𝑈 𝑅𝑂𝑆𝐸 𝑇𝐸𝐴飲品有驚喜❣️上枱勁大杯🤣係士多啤梨加玫瑰，好match，而且唔會太甜，消暑解渴真係唔錯~🤓 不過講真，間餐廳主要都係以打卡吸引人去，但食物質素真係麻麻啦😅加上去到現場唔係想像中咁靚，當日坐嘅位置冇冷氣，同埋佢哋都嘅天花都失修咁，好多地方都滴水🥲🥲
繼續閱讀
其實間餐廳去過幾次 ！一直覺得很有特色，令人好暈的黑白設計2D線條，斜的杯（重點是我以為杯底有野攝住，侍應放低時走去扶實😂），這些都是其次因為食物嘅味道先係最重要，真係沒有失望的，我食過漢堡意粉也是很有心機做的，先上一個南瓜湯就，最緊要的就係加$18有一個甜品$18這個概念是內地的香港$18也買不到燒賣通情達理的男侍應/店主#uluru #打卡餐廳 #近合和 #灣仔美食 #hkfoodie #foodie #foodkol #foodie@hk #foodie
繼續閱讀
位於灣仔的手繪ULURU Cafe以其獨特的黑白風格設計為特色，彷彿讓人置身於漫畫世界之中。進入店內，你會發現許多打卡的角落。店內的牆壁上掛滿了由本地美術大學學生親手繪製的精緻圖畫，細膩的線條充滿趣味，吸引了許多人特別是女生前來打卡留念。就食物而言，這家咖啡店以融合菜式為主打。我點了是日午餐 - 蒲燒鰻魚薄餅和拼盤，拼盤包含了BBQ醬燒豬脾骨、京式燒鴨手爪餅和黑松露海鮮酥盒。味道相當不錯，各道菜都展現出獨特的風味，結合了不同的烹飪風格，營造出獨特的味道體驗。蒲燒鰻魚薄餅上的鰻魚味道香甜可口，帶來了口感上的美妙對比。拼盤則展示了多種小點心，每一款都有其獨特的風味，彼此之間相互呼應，令人愉悅。然而，令人失望的是搭配餐點的湯，南瓜忌廉湯的份量十分小。它以一個小碗的形式供應，讓人渴望更多。湯的口感綿密，味道豐富，但份量的不足讓整體滿足感降低。總的來說，灣仔手繪ULURU Cafe提供了一個視覺上迷人的環境，吸引藝術愛好者和社交媒體愛好者。融合菜式展示了廚師團隊的創造力和技巧，帶來了美味的口感饗宴。整體的體驗依然令人愉悅（雖然湯的份量較為小），使它成為一個值得一遊的地方，尋找藝術和美食之旅的人不容錯過。Wan Chai Hand-drawn ULURU Cafe - A Fusion DelightLocated in Wan Chai, the Hand-drawn ULURU Cafe offers a unique dining experience with its captivating black and white decor that transports you into the world of comics. As you step inside, you are greeted by an array of Instagram-worthy spots. The walls are adorned with intricate drawings meticulously created by local art university students, which upon closer inspection reveal delightful details that attract both locals and especially young women seeking the perfect photo opportunity.When it comes to food, the cafe prides itself on its fusion cuisine. Eager to explore their offerings, I ordered the Grilled Eel Thin Crust Pizza and the Platter, which included BBQ Sauce Grilled Pork Cartilage, Peking-style Roast Duck Hand Claw Pie, and Black Truffle Seafood Puffs. The flavors were delightful, combining different culinary influences to create a unique taste experience. The grilled eel on the thin crust pizza was perfectly cooked, offering a mouthwatering contrast of sweet and savory flavors. The platter showcased a variety of small bites, each with its own distinct flavors that complemented each other wonderfully.However, one disappointment was the portion size of the Pumpkin Cream Soup that accompanied the meal. It was served in a small bowl, leaving me longing for more. The velvety texture and rich taste of the soup were enjoyable, but the meager portion diminished the overall satisfaction.Overall, ULURU Cafe provides a visually captivating atmosphere that appeals to art enthusiasts and social media enthusiasts alike. The fusion cuisine offers a delightful blend of flavors, showcasing the creativity and skill of the culinary team. While the soup portion left something to be desired, the overall experience was enjoyable, making it a worthwhile destination for those seeking an artistic and gastronomic adventure.
繼續閱讀