麺屋こころ (軒尼詩道)

營業中

休息中

今晚過咗灣仔做嘢，順便去咗呢間拉麵店醫肚。講真，呢間日本過江龍拉麵店我都幫襯過幾次㗎啦！最近天氣開始熱辣辣，比起飲湯麵，反而更想食返碗濃味嘅撈麵醒醒胃。🧀熔岩芝士撈麵🍜一上枱就已經睇到流口水！啲芝士嘅奶香味撲鼻而來，個賣相真係冇得頂。肉碎鹹香得嚟又唔會太過火，啲油脂分佈啱啱好。紫菜碎脆卜卜，我即刻撈勻佢，趁紫菜仲脆嗰陣食，真係過癮到震！再加埋新鮮蔥花同流心蛋黃，一啖食落去，層次豐富到呢～ 🍵日本手沖烏龍茶茶味清香唔會太濃，飲落好舒服。食完碗邪惡嘅芝士撈麵之後飲返啖，即刻解膩又清爽，罪惡感都即刻減半咁濟！ 總括來講，呢個組合係熱天食撈麵嘅絕配，下次再嚟一定會encore！