泰鑫

營業中

休息中

係附近行新商場行到好夜，經過呢間泰國菜門口見到個優惠幾抵，所以入去試試。😋 泰式牛肉船麵湯底有濃濃牛肉味配搭少許嘅藥材香，麵底係泰國米粉，口感軟糯，比較吸湯，所以要食快少少。😋 泰式菠蘿炒飯有多款配料，豬肉鬆、提子乾、腰果同埋有小朋友怕怕嘅三色豆😂，炒飯炒得幾乾身。😋泰式燒豬頸肉驚喜位係擺咗一段時間先食個邊邊位都有啲脆，醬汁比較溫和只係少少辣。😋椰子沙冰有微微嘅椰子幽香，椰奶味較重，整體唔算太甜，怕甜可以一試。😋芒果熱情果沙冰味道帶酸，熱情果味好濃，芒果只有香味。飲品斟到滿瀉，所以要搵紙巾墊底😂舔舔脷指數👉🏻7😋/10😋滿分 值得一試😋