天府人家

營業中

休息中

近排天氣涼涼地，就想去食吓辣野，上網搵吓就搵到灣仔既天府人家，又見到佢二人餐好似好吸引吓，所以決定試一試佢。佢啲選擇絕對唔係交行貨，道道都好吸引。今次揀咗口水雞同紅油豬耳片做涼菜小食。唔好見佢涼菜小食，但已經份量十足。口水雞非常嫩滑，而且有麻有辣，令人停唔到口。豬耳片薄薄一片，入口融化，微微辣油令人愛不釋口。而到主菜我地就揀咗酸菜魚，醬香鴨同埋螞蟻上樹。酸菜魚由大大個碗上，大大份，魚肉起哂，大大塊魚肉食，十分爽快，味道酸得黎帶啲辣，正👍🏻。醬香鴨炸得香脆，非常入味，如果嫌濃味得濟仲可以夾個包一齊食，不過我覺得就咁食就最好食。螞蟻上樹炒得濕濕地仲好落口，不過已經食得非常飽飽，食咗兩啖已經食唔落，俾朋友帶走了今次食呢個二人餐真係非常滿足，十分抵食。