天府人家

營業中

休息中

同班中同相約喺灣仔聚舊，有老馬帶嚟謝斐道呢間「天府人家」試試。估唔到川菜都可以食得咁精緻，仲送埋甜品，我哋由頭笑到尾食到lamlam脷！🐟 酸菜桂花魚 - 阿姐端上枱大大盤！片片魚肉滑到似溜冰，酸菜湯底酸得啱啱好，撈飯真係可以食兩碗（減肥？聽日先算啦）😅🤭🌶️ 酸辣三鮮～今日MVP - 辣汁分開上超貼心！海鮮新鮮到似朝早先撈，最正係果啲厥根粉，第一次食，咬落"嗦嗦聲"爽口過橡筋，全晚俾佢搶曬鏡！🎃 黃金酥炸南瓜 - 咬開脆皮「咔嚓」一聲，南瓜件勁香甜！個口感似炸生蠔，但冇油味，邪惡得嚟好有滿足感！一件起兩件好收手啦！🍜 廚神酸湯麵塊 - 師傅自創加咗蛋白秘方！啲麵闊過刀削麵但更彈牙，酸湯飲到尾都唔口渴，幾飽都隊晒成碗！🫣😅仲有好多嘢食：鍋塌豆腐、鮑魚炆雞煲、上湯魚腐浸勝瓜、酥炸銀魚仔、涼拌雲耳拍青瓜……真係食得盡興！🍧 甜品三連擊：• 綠荳沙綿到似食緊雲咁，真係唔係講笑！（仲要係免費🥰🤭！）• 紅糖糍粑自己淋糖漿，仲加咗啲果仁，脆皮軟糯控必試！• 玫瑰糕清香解膩，女仔們秒速清碟！我地六個女人食到捧住個肚先$3XX位，仲傾到老闆娘嚟催收工🤣 呢度環境舒適，開間房啱曬吹水，侍應仲好親切好好笑

食物好味，算正宗。但某服務員態度奇怪，不斷騷擾客人對話，只想求利是（同一位女士）。當我們友善地請她切勿不斷騷擾我們，還給她破口大鬧。奇怪的服務，態度好像很殷勤，但是十分滋擾，還不知道什麼時候應該停止說話騷擾客人。明明上次唔係新年上嚟嘅服務態度係咁”好’。食物的確好食，但服務令人卻步回頭。

跟朋友食過好多次天府人家，次次都辣得好開心跟唔同的朋友嚟食天府人家，會有唔同的幸福的感覺——朋友可能唔知，其實跟我熟的朋友唔多，正所謂話不投機半句多，有時，我為免說錯話，喺陌生人面前我寧願小說話多吃飯。以前，工作關係，每周都要吃很多餐飯局，久而久之，好像吃慣了，回到家裡就不想說話。現在，換了份工，經歷過一次又一次自己看得很重的小事，我發覺，唔想再跟自己的心相違——唔想說話，就唔說話；對住投機的好朋友 就多說話 ，好好發揮我selective 的E。對了，除咗食嘢，其實對朋友我都好揀擇。濫用我善良的人，我會選擇放棄佢，就算自己曾經幾着緊都好，我都會選擇慢慢放輕，但亦都因為咁，身邊的人亦覺得我越嚟越古怪。跟吃辣一樣，岩食的話我會是咁再次到訪，就好似天府人家咁，每道菜都新鮮滾熱辣咁整出嚟，每個拌飯嘅小食都好好食，我自然會返轉頭再食；但若果過辣，甚至辣到我喊，就算幾唔想都好，我都會選擇放棄。所以，我會慢慢放棄要放棄的人的但此時此刻，我會再次到訪天府人家！

初四晚家人聚餐無因為新春而特別額外收費一早已預訂左房間最低消費係$3500都十分合理我地一行8人個個都食到捧住個肚走叫左幾樣開胃前菜酸辣三鮮 (9/10)入面有大蝦，鮮魷同蚌酸酸辣辣好開胃有啲好似蒟蒻嘅麵墊底屋企人都讚好好食，秒清黃金南瓜 (9/10)要預訂嘅菜式黎過幾次都係必食保持一貫水準蒜泥白肉 (8/10)正常發揮如果可以濃味少少味道會較佳燒椒帶子 (7/10)可能期望過高，而且單價都唔平 $298口味較淡之餘其他配菜亦無帶出帶子嘅鮮味或者有其他刺激嘅味道可省略天府一品湯 (8/10)比想像中大碗湯品清澈，但濃郁飲啖熱湯暖下胃都幾好唔錯煙燻乳鴿 (7/10)正常發揮入味，但煙燻味冇同隻乳鴿去到十分夾亦都係預訂菜沸騰蝦 (9/10)蝦好大隻而且10分脆口同彈牙全部已經剝晒殼有淮山墊底必食推介霸王鮮牛肉 (10/10)每一次去都係必食之選唔好睇佢好似好多辣椒完全牛肉味十分香濃入口一啲都唔辣唔食辣嘅朋友都可以食仲有啲粉絲同萵筍絲墊底上枱嘅份量十分驚人性價比之選！鮑魚炆雞 (8/10)雞肉十分入味鮑魚彈牙成都醬香鴨 (8/10)同行嘅家人話好好食我覺得肉質真係做得十分好香氣十足但係我覺得

😋⁡📍灣仔 - 【 天府人家 】灣仔盧押道18號海德中心3樓⁡🔥鍾意食辣🌶️嘅朋友請注意‼️依間位於灣仔食四川菜嘅〖 天府人家 〗絕對滿足到你😍之前同事聚會，因為大家都覺得好正，之後encore再去🤤⁡餐牌可以選擇食麻辣火鍋，或者揀地道川菜，我地2樣都有食🤣個人就認為川菜比火鍋出色，火鍋正正常常咁啦～而值得介紹嘅有：鹹蛋黃炸南瓜、霸王鮮牛肉同沸騰串串蝦👍🏻⁡🎃鹹蛋黃炸南瓜鹹蛋黃好香，滿滿嘅蛋黃蓉外脆內軟🤤⁡🐮 霸王鮮牛肉全晚最好食！鮮牛肉好嫩滑，吸滿哂辣椒同湯汁，麻麻辣辣咁好惹味🔥 牛肉底下仲有粉絲同金菇，吸哂個湯汁好正!!⁡🦐沸騰串串蝦上台個時，d蝦係個石鍋裡面滾住d油咁上，果然係沸騰串串蝦🤣沸騰住咁上! 蝦肉爽口彈牙，大隻兼剝咗殼，唔洗剝嘅蝦，零舍好食😝 蝦下面仲有淮山，唔會好辣又好食👍🏻⁡😎鍾意食辣嘅朋友可以try try🔥🌶️micmic.hk

難得拋低到小朋友同姊妹食飯其中一位介紹尼間食川菜幾好就去左環境充滿中式設計酸辣三鮮有3種海鮮分別係鮮魷、桂花蚌同蝦好鮮甜爽口，都唔會話太酸蒜泥白肉同平時食嗰啲唔同個蒜泥好似沙律醬咁但識落就都幾好味鹹蛋黃炸南瓜呢個比較有驚喜估唔到咁match燒椒北海道大帶子味道清涼特別原來帶子與帶子姐姐夾住萵筍天府一品燉湯飲落完全唔油膩同好夠味三豉醬蒸斑頭腩滿滿嘅膠原蛋白同啖啖肉比我想像中大碟泡椒桂花蚌鮑魚炆雞炆得剛剛好好入味同埋即使我箍緊牙都咬到啲鮑魚重慶酸辣粉好地道嘅酸辣粉4個女仔真係食到飽一飽份量太足了😆環境坐得都好舒服

Gathering食中菜其實幾好一人叫少少，可以試好多口味今次我地食天府人家嘅川菜，仲可以叫不同辣度！仲有好多菜式揀，即刻叫到成枱都係！前菜除咗有經典涼菜蒜泥白肉 外仲試咗酸辣三鮮 、燒椒北海道大帶子同埋鹹蛋黃炸南瓜 ！呢三款涼菜真係其他地方都食唔到！酸辣三鮮有桂花蚌、蝦、魷魚，有厥根粉墊底！凍凍地好清新！而燒椒北海道大帶子賣相好靚，係一片帶子夾住一片萵筍！配埋花椒汁，一啖爽口鮮味！唔好睇呢碟鹹蛋黃炸南瓜其貌不揚，但南瓜好軟淋，外皮鹹香酥脆！好好味！再飲啖天府一品燉湯 ，真係好香濃！果然係招牌！主菜我地叫咗鮑魚炆雞 、泡椒桂花蚌同埋三豉醬蒸斑頭腩 三豉醬蒸斑頭腩嘅魚質鮮而實淨有口感！泡椒桂花蚌嘅桂花蚌香辣爽脆！而鮑魚炆雞 真係必食！鮑魚又大隻又彈牙！雞又滑！最後仲食埋重慶酸辣粉 ！一小碗酸香辣，好夠食！真係食得好開心，辣得好過癮！

地道川菜呢間川菜餐廳菜真係好正宗，味道正正好，正宗嘅川菜風味我特別推薦佢哋嘅「金獎蝴蝶魚」，呢道菜係佢哋嘅招牌之一味道好濃郁，魚肉外皮煎到酥脆，但內裡仲保持住鮮嫩多汁，每一口都好回味✅「霸王辣子蝦」。呢道菜用嘅蝦好新鮮大隻，辣椒醬炒得香辣可口，有微微嘅麻感，好開胃。蝦肉質地鮮嫩，入口鮮甜，絕對係海鮮愛好者嘅首選✌🏻如果你鍾意食蔬菜，佢哋嘅「干鍋花菜」係一道唔可以錯過嘅菜品。花菜炒到熟透，但仲保持住爽脆嘅口感。加埋麻辣嘅調味料，好開胃，食得好過癮👍🏻😋「青椒冒菜雜錦鍋」，呢道菜有牛肉同素菜嘅選擇，非常適合鍾意食辣嘅人。熱呼呼嘅鍋底有各種新鮮嘅蔬菜同嫩牛肉，一咬落去，辣味同鮮味交織喺口中，好令人流口水🫶🏻👍🏻味道正宗，份量好足夠，服務亦都好友善❤️

好好味嘅私房菜～原來川菜都有好多唔辣嘅菜式選擇， 好好味呀！ 有我同細佬都好鍾意食嘅蔥油海蜇頭， 爽爽脆脆，一次過可以食半碟㗎。 仲有好甜好爽嘅涼拌蟶子皇， 同平時喺海鮮酒家食嘅炒蟶子味道好唔同，呢度嘅聖子更加鮮甜，我鍾意呢一種聖子多啲。好靚好靚嘅花花湯，細佬話超好味，佢一陣就飲晒一碗啦。醬炒年糕蟹 ， 年糕煙煙銀銀軟綿綿， 蟹鉗好大隻好多肉 🎉 油泡貴花蚌仲好食過平時打邊爐食嘅貴花蚌呀 😚，細佬掛注飲湯同埋食蟹鉗唔同我爭實在太開心啦！ 已經食得太飽啦，下次我要食小籠包同埋 紅糖冰粉 💗💗

疫情之後第一間要去食的餐廳必定是天府人家，現在已經是我們每一個星期happy hours 的集合地點。首先食物保持新鮮美味，尤其是麻辣桂花魚，跟住必吃的孜煞燒羊腩配紅酒🍷very good, 還有頭盤的蒜泥白肉，百食不厭招呼熱誠，只有一點是廁所衞生待有進步空間。

大少係 食辣專家, 佢話呢間係佢食過全港最好食嘅川菜， 熟客先知道有私房菜色， 係咪咁堅呀？ 🥗 前菜～ 涼拌聖子皇 ： 極級鮮甜， 爽口彈牙，一口氣食咗大半碟，停唔到口。🍲 湯~ 開水白菜： 個名真係非常之唔吸引，但係店員介紹是用 8 種材料熬製， 濃郁可口。 好味。 🥘 主菜～沸騰串串蝦 ～ 上桌時， 鍋裏bi ni bok luk 好震撼，果然係沸騰 。 蝦已經剝咗殼， 食得好爽。 銅盤泡椒田雞 ~ 辣味後勁十足， 田雞雞肉非常嫩滑。大少果然冇介紹錯，樣樣都好有驚喜！ 絕對要 encore 💕

今日特登約埋朋友一齊去天府人家食川菜我地4個人叫咗勁多野食酸辣三鮮有蝦、鮮魷、桂花蚌好鮮美爽口蒜泥白肉蒜泥蓉好特別望落好似 Cream食落好香蒜泥味鹹蛋黃炸南瓜鹹蛋黃好香，炸得好香脆南瓜好腍好甜燒椒北海道大帶子中間夾住係萵筍連埋帶子一齊食好好食天府一品燉湯個湯好清好鮮甜三豉醬蒸斑頭腩班頭腩好厚肉層皮又夠厚，食落啖啖膠原感泡椒桂花蚌泡椒香味，桂花蚌爽口鮑魚炆雞鮑魚炆得啱啱好，口感一流啲雞好入味，而且好香滑重慶酸辣粉好香酸辣味，酸辣粉爽口叫到成檯都係不過每一碟都好好味而且都幾精緻，分量又夠多環境服務都好好今餐食得好開心😎😎😎

又到左每個月嘅gathering，既然大家都鍾意食辣，今次就揀咗間川菜環境優雅帶點古典中國風，坐得舒服，正宗川菜份量仲好多酸辣三鮮桂花蚌，鮮魷，蝦仁，新鮮清甜配咗呢個類似泰式酸辣醬汁仲有葛粉，爽口彈牙好refreshing 蒜泥白肉中間嘅蒜泥打得超滑，口感好正配埋一片片冰涼爽脆既白肉一齊食真係好夾底層再鋪滿青瓜片鹹蛋黃炸南瓜呢個我私心推薦，滿滿嘅蛋黃蓉外脆內軟嘅南瓜，鹹香味突出減少油膩感燒椒北海道大帶子非常清新嘅一個冷盤清甜嘅北海道大帶子配青辣椒碎鮮甜味再帶出微辣口感天府一品燉湯三豉醬蒸斑頭腩呢個斑頭腩都好推薦骨腩位魚味比較濃仲有滿滿嘅骨膠原配埋豆腐一齊蒸呢個醬汁夠惹味泡椒桂花蚌鮑魚炆雞鮑魚好大隻，雞件炆得好滑又入味重慶酸辣粉

今次終於嚟咗朋友強烈推薦嘅特色川菜館「天府人家」😋樣樣都超好味而且喺出邊冇食過，果然冇介紹錯！平日夜晚去都座無虛席，好彩一早book咗位咋🤭即刻介紹吓啲美食先😛前菜✨招牌口水雞鋪滿芝麻花生碎同埋辣油嘅口水雞賣相好吸引！睇見都流晒口水🤤而且每一件雞嘅肉質都嫩滑，個秘製口水雞汁仲有花生醬嘅口感，零舍香濃！✨酸辣涼粉🌶️撈埋上面嘅拌料辣汁同爽口嘅涼粉一齊食，非常過癮！雖然個汁真係幾辣，但實在太惹味，忍唔住挑戰多幾次😆✨藤椒牛脷片濃濃藤椒嘅麻味滲入到每一片牛舌同埋墊底嘅芽菜、腐皮之中，而且薄切牛舌嘅口感好爽口、牛味濃郁，成件事配搭得好完美！呢個真係第一次食亦成為咗我哋今餐嘅最愛😍✨宮保蝦球酸酸甜甜好開胃呀，而且每隻蝦都好大隻，啖啖肉爽口又彈牙🤩✨蓮白炒粉絲蓮白=椰菜，所以呢個炒粉絲係用咗椰菜同埋雞蛋去炒，火候十足，亦係我細個時我媽咪最鍾意整嘅一道菜！令我充滿回憶💕最後店員仲請我哋食綠豆沙添🥰呢度啲嘢堅好味又有特色，而且店員服務好好👍🏻絕對值得encore🤩

大家愛吃川菜嗎🙋🏻‍♀️? 喜歡吃辣嗎🙋🏻‍♀️? 最近經朋友介紹，發現灣仔有間抵食又有質素的川菜館 🇭🇰天府人家(⁎⁍̴̛ᴗ⁍̴̛⁎)，想介紹給大家哦～ 餐廳在三樓，雖然是樓上舖，但也有好多客人😳，好受歡迎呢～食物款式多，提供多個不同份量的套餐。 ☆ 少城午市二人套餐🍴$398 ·天府口水雞🍗 口水雞，雞皮Q彈，肉質嫩滑，辣得過癮。 ·豆素雞🍗 素雞外脆內爽，好特別。 ·天府一品燉湯🥄 燉湯清甜滋潤，冬天喝就最適合了～ ·水煮牛肉🥩 水煮牛肉辣度十足，牛肉軟腍，也不錯。 ·醬爆雞丁🍗 雞丁醬香十足，好下飯呢～ ·清炒時蔬🥬 ·肉絲酸菜炒年糕🍴 年糕煙煙韌韌，酸菜酸度剛好，加點辣油更惹味。 ·甜品🍧 甜品有綠豆薏米湯，清甜而不膩。