喜記避風塘炒辣蟹 (謝斐道)

營業中

休息中

臨近端午節，朋友仔準備翻來香港，今次打算帶佢去灣仔覓食，我先提前來呢間老字號試試水！「端午套餐即將登場」雖然節日未到，但濃濃嘅預熱氣氛已經撲面而來😆 ​避風塘炒辣蟹呢道菜真係喜記嘅鎮店之寶！當盤辣蟹剛擺上檯，熱心嘅服務員就過嚟：「我哋慣常幫客人拍開蟹腳，等陣剝殼唔使費力氣～」蟹肉鮮甜結實，避風塘嘅蒜蓉辣椒香氣濃郁，拍過嘅蟹腳輕輕一扭就開，啖啖蟹肉夾住蒜粒送入口，鹹香微辣超級過癮😆​椒鹽特大瀨尿蝦隻隻都係超大隻，肉質彈牙，鮮味十足。椒鹽嘅調味做得非常出色，鹹香令瀨尿蝦更加突出佢自身嘅鮮甜味道。每隻瀨尿蝦都炸到金黃酥脆，外脆內嫩，啖啖滿足！😋​椒鹽魷魚拼九肚魚各有特色，魷魚鮮嫩彈牙，九肚魚就香脆可口。呢個拼盤可以一次過享受到魷魚同九肚魚，唔洗糾結要邊款🤣​豉椒炒蜆蜆肉鮮甜肥美，炒得非常入味。豉椒嘅香氣濃郁但唔會太過搶味，反而係同蜆肉嘅鮮味完美融合。每一啖都可以感受到豉椒香氣，食到停唔到口😆​蟹油炒麵呢道炒麵絕對係整餐飯嘅完美結尾。蟹油嘅香氣撲鼻，令炒麵更加香濃。麵條炒得乾身而且煙韌，每一啖都吸滿咗蟹油嘅精華，真係超級滿足👍🏻​