先講講招牌🦀避風塘炒辣蟹🦀，一上檯，陣陣香氣就撲鼻而來。蟹嘅個頭好大，蟹肉飽滿又新鮮，咬落去鮮甜多汁。避風塘嘅炒法將蒜香同辣椒嘅香辣完美融合，裹住蟹肉，有層次又辣得過癮
招牌醉鮑魚都好出彩，🥢鮑魚處理得啱啱好，爽脆彈牙。酒香味濃郁，滲入到鮑魚嘅每一寸肉質，食起身鹹香中帶住淡淡酒香，令人回味無窮。
美國薑蔥生蠔煲，🦪生蠔又大又肥，新鮮程度一流。薑蔥🫚嘅搭配將生蠔嘅鮮味完全引出嚟，生蠔鮮嫩滑溜，入口即化，連同薑蔥汁一齊送入口中，簡直係味蕾嘅極致享受。
避風塘牛河🐂都有驚喜，河粉爽滑有韌勁，牛肉切得厚薄適中，炒得好嫩。避風塘嘅配料增添咗獨特嘅香氣，每一口河粉都充滿镬氣，食落好滿足。
最後嘅椒鹽泥鯭，外皮炸得金黃酥脆，裡面嘅肉質鮮嫩細膩。椒鹽調味恰到好處，唔會太咸，突出咗泥鯭嘅鮮味，連骨都可以一齊咬埋，超正！
喜記灣仔呢間元祖老店真係冇令我失望，每一道菜都水準超高💞，食材新鮮，味道出色，絕對值得一試！想食靚海鮮嘅時候會再去！
