道

營業中

休息中

好耐無岀過文了！是時候要上一上水吧～今次介紹嘅餐廳係位於屯門區。眾所周知，屯門紅橋一直都好多唔同嘅特色美食。而其中一間就係我幾鐘意嘅道拉面。但大家一定要預早少少去排隊等候，因為每一碗都係即叫即整！先介紹環境，餐廳只設吧枱，每一個位都可以望住師傅即場製作。衛生方面，地方十分整潔，燈光亦很明亮，整體感覺舒適。而服務方面，店員的服務質素很好，很詳盡地為我介紹每項食物，態度亦很有善。今次試左招牌拉麵-濃醬油雞清湯拉麵($118)同埋一份唐揚炸雞($48)。拉麵湯底第一口覺得幾特別，醬油底混合雞清湯之鮮味，岀面嘅拉麵鋪唔係咁食得到。拉麵麵質彈牙。配料嘅雞叉燒都做得唔錯，十分嫩滑重雞味。糖心蛋亦做得適中，不俗！炸雞一上枱，第一個反應係每一件炸雞都好大件。而雞肉炸後，裏面水份充足，不會炸得很乾，食落很嫩滑，外層的皮都唔會太厚，油膩感唔係好重。總結，值得一試！但要記得預早少少嚟排隊。