影片
更多
2024-08-08
122 瀏覽
我地都鐘意打邊爐，好似都有一排冇打，search到呢間都幾就腳，就不如過黎呢度食飯😄餐廳環境都幾舒服，枱上有提供紙巾，我又要讚下，枱旁邊仲有食物架，唔怕成枱野食冇位擺，我地開位之後店員就比調味架我地撈醬😗 濃蝦湯蕃茄鍋 （$168）打邊爐既湯底好重要，可以打邊爐前飲翻幾碗同令食物昇華，呢個湯底就做得好好，用好多新鮮蝦熬出黎，材料好足，飲落蝦味好濃又清甜，其他餐廳都少有呢個湯底，仲有好多蝦入面記得要食🦐手切頂級鮮牛（小）（$248）賣相好靚，牛肉色水望落都知道好食，食落係屬於講腍口，牛味重，兩個人食細份都夠食🐮雲吞拼水餃 （$72）雲吞大大粒，食落好彈牙，蝦好新鮮，同個湯底好夾，水餃都係大大粒，肉汁滿滿🥟三寶丸 （$92）有牛丸、墨丸同蝦丸，全部都係手打丸，好新鮮，牛丸牛味濃郁，特別果d牛丸脂肪好正，墨丸好有咬口，食到入面有大大粒墨魚，蝦丸新鮮彈牙，叫一碟可滿足三個願望🤩紙豆腐 （$28）擺落湯底煮幾秒就食得，完全吸收晒湯嘅精華食落口感好滑，又有豆腐香味，呢個比較少餐廳有，而我覺得都好味，見到有得食一定要嗌😋田園雜菜 （$88）呢個雜菜係我見過最多種類嘅雜菜，有西洋菜，皇帝菜，生菜，菜心
餐廳環境都幾舒服，枱上有提供紙巾，我又要讚下，枱旁邊仲有食物架，唔怕成枱野食冇位擺，我地開位之後店員就比調味架我地撈醬😗
濃蝦湯蕃茄鍋 （$168）
打邊爐既湯底好重要，可以打邊爐前飲翻幾碗同令食物昇華，呢個湯底就做得好好，用好多新鮮蝦熬出黎，材料好足，飲落蝦味好濃又清甜，其他餐廳都少有呢個湯底，仲有好多蝦入面記得要食🦐
手切頂級鮮牛（小）（$248）
賣相好靚，牛肉色水望落都知道好食，食落係屬於講腍口，牛味重，兩個人食細份都夠食🐮
雲吞拼水餃 （$72）
雲吞大大粒，食落好彈牙，蝦好新鮮，同個湯底好夾，水餃都係大大粒，肉汁滿滿🥟
三寶丸 （$92）
有牛丸、墨丸同蝦丸，全部都係手打丸，好新鮮，牛丸牛味濃郁，特別果d牛丸脂肪好正，墨丸好有咬口，食到入面有大大粒墨魚，蝦丸新鮮彈牙，叫一碟可滿足三個願望🤩
紙豆腐 （$28）
擺落湯底煮幾秒就食得，完全吸收晒湯嘅精華食落口感好滑，又有豆腐香味，呢個比較少餐廳有，而我覺得都好味，見到有得食一定要嗌😋
田園雜菜 （$88）
呢個雜菜係我見過最多種類嘅雜菜，有西洋菜，皇帝菜，生菜，菜心，娃娃菜，蕃茄，粟米，相當豐富又新鮮🥦🥬
鯪魚球 （$58）
鯪魚球係是日精選小食，每日有限量，師傅即做即炸，外脆內軟，點埋蜆蚧汁食好惹味👍🏻
呢間餐廳既食物質素都唔錯，坐位舒適，我最鐘意係個蝦湯底同紙豆腐，係呢度先食到😁
張貼
