濃湯船麵

25

今日去尖沙咀食船麵。諗住下午茶時間簡單食少少嘢，見到呢間泰濃麵下午茶只係$52 有飲品，所以試吓。

佢哋除咗船麵，仲有清湯同埋冬陰公湯麵。牛肉亦有普通肥牛、安格斯、和牛揀。我今次只係食最普通嘅肥牛船麵。船麵湯都幾濃味，配返河粉都夠掛湯。最主要歸功於佢面頭嘅炸乾蔥。另外配料仲有魚蛋同埋白蘿蔔，所以ok。另外小食叫咗個芝士炸雲吞。炸雲吞皮入面係拉絲芝士，下午茶特價$22，值得一試。泰式奶茶都唔錯。整體來講都唔差。