am.pm (譽發廣場)

營業中

休息中

今日去左油麻地既am.pm.餐廳主打外賣梳乎厘班戟，餐廳以黃色校巴為外型設計，加上大量公仔佈設，勁搶眼。餐廳採用開放式廚房設計，可以睇到廚師即叫即整，廚師將班㦸漿以先煎再焗方法整作，個個都圓碌碌。特濃朱古力香蕉疏乎厘梳乎厘班戟入口鬆軟，空氣感十足，口感綿密。朱古力多到滿瀉，最正係隻焦糖香蕉，又甜又脆。金燒奶黃布丁多士布丁多士外層焦糖口感外脆內酥，加上流沙奶黃同埋特製鮮奶油，甜度啱啱好百年之蜜蘋果飲呢杯百年之蜜蘋果飲既層次非常豐富，用左黎自日本既青森蘋果汁，面層再鋪左厚厚既棉花糖，中間仲有一大個蘋果汁冰球，淋上百年之蜜，成杯唔會太甜，反而帶清甜果香。杯底仲有一層青蘋果爆炸糖，有驚喜。