影片
更多
2022-05-18
171 瀏覽
今日嚟深水埗做嘢，收工本來打算行過去西九龍中心搵食，途經汝州街，見到路口新開咗間「澳葡牛奶餐室」。在門外駐足細看，食物相片很吸引，餐牌選項亦非常豐富，反正已有很久沒吃過澳葡菜，即時轉軚，一於改喺呢度用餐。餐廳裝潢以經典的藍白色為主調，襯上一室簡約隨意嘅設計，格局好 Cosy。先嚟一客芝士番茄豬扒飯 ($56) 塊豬扒好厚身，肉質很鬆軟，而且醃得夠晒入味。茄醬嘅酸甜度亦啱啱好，配上融化嘅芝士同金黃的蛋炒飯，惹味又香濃。小食點咗三款，當中包括有巨人豬扒包 ($36)、香炸韭菜餃 ($28) 同 香煎魚餅配馬介休醬 ($33)。件豬扒勁巨型，入口啖啖肉，咬下還帶有肉汁。餐包烤焗過，內裡塗上了牛油，入口外香脆、內軟熟，配埋生菜同番茄片，滋味滿分！韭菜餃一客有 5 隻，隻隻嘅外形都好飽滿，餡料脹卜卜，而且炸得非常香口，韭菜嫩綠多汁，食完真係令人齒頰留香。魚餅新鮮煎起，熱辣辣、香噴噴，入口魚味十足，既煙韌又彈牙，配鹹香嘅馬介休醬吃，相得益彰。飲品點咗冰鎮奶茶 (跟餐+$12) 同 宇治金時鮮奶 ($24)。奶茶嘅質感好順滑，甜度亦十分適中，奶厚茶濃。杯宇治金時亦唔失禮，勁足料，底層鋪滿綿密嘅紅豆
今日嚟深水埗做嘢，收工本來打算行過去西九龍中心搵食，途經汝州街，見到路口新開咗間「澳葡牛奶餐室」。
在門外駐足細看，食物相片很吸引，餐牌選項亦非常豐富，反正已有很久沒吃過澳葡菜，即時轉軚，一於改喺呢度用餐。
餐廳裝潢以經典的藍白色為主調，襯上一室簡約隨意嘅設計，格局好 Cosy。
先嚟一客芝士番茄豬扒飯 ($56) 塊豬扒好厚身，肉質很鬆軟，而且醃得夠晒入味。茄醬嘅酸甜度亦啱啱好，配上融化嘅芝士同金黃的蛋炒飯，惹味又香濃。
小食點咗三款，當中包括有巨人豬扒包 ($36)、香炸韭菜餃 ($28) 同 香煎魚餅配馬介休醬 ($33)。
件豬扒勁巨型，入口啖啖肉，咬下還帶有肉汁。餐包烤焗過，內裡塗上了牛油，入口外香脆、內軟熟，配埋生菜同番茄片，滋味滿分！
韭菜餃一客有 5 隻，隻隻嘅外形都好飽滿，餡料脹卜卜，而且炸得非常香口，韭菜嫩綠多汁，食完真係令人齒頰留香。
魚餅新鮮煎起，熱辣辣、香噴噴，入口魚味十足，既煙韌又彈牙，配鹹香嘅馬介休醬吃，相得益彰。
飲品點咗冰鎮奶茶 (跟餐+$12) 同 宇治金時鮮奶 ($24)。奶茶嘅質感好順滑，甜度亦十分適中，奶厚茶濃。
杯宇治金時亦唔失禮，勁足料，底層鋪滿綿密嘅紅豆，中間嗰層係鮮奶，而面層就係回甘不澀嘅抹茶，攪勻飲真係正到痺，啖啖都啜到紅豆粒。
甜品方面，本來想點葡撻同木糠布甸，可惜兩款都售罄，幸好還有賣相又白又滑嘅正宗雙皮奶 ($26)，入口奶味好濃郁，嫩得嚟又唔會水汪汪，而且食落還有牛乳嘅 aftertaste，為這頓晚餐完美作結！
張貼
