家賀屋

特選魚生丼集結咗磯煮鮑魚、大拖羅、油甘魚、兩隻牡丹蝦、左口魚、三文魚、真鯛、海膽、三文魚籽、赤貝、吞拿魚同吞拿魚蓉，搭配壽司醋飯，一次過滿足曬所有願望。大拖羅油脂豐厚，牡丹蝦肉質鮮美，三文魚籽咬開之後嘅鹹香爆發，同醋飯好啱key。晚市都有定食餐牌，等於+$30就有茶碗蒸、沙律同麵豉湯，都幾抵食。海膽龍珠卷（$138）嘅靈魂在於醬油漬蛋黃，蛋黃味道濃郁同有醇厚嘅油脂感，海膽亦都順滑鮮美。本身驚蛋黃會漏，點知食落完全唔膩，同海膽吞拿魚蓉好夾，絕對值得試下！面頭仲有金箔，十分ig-able另外仲叫咗吉列廣島蠔，外層炸得酥脆唔油膩，裡面嘅蠔肉鮮嫩多汁，點上沙律醬，送酒一流。餐廳有好多款酒精飲品揀，果汁酒竟然係0卡代糖，慳返啲卡路里quota。餐廳環境雅緻，卡位坐得舒服。餐牌選擇好多，仲有啲特價海鮮