潮味莊

營業中

休息中

喺油麻地附近咁啱想食打冷，搵到呢間潮式小店，下午時分入內座位比較鬆動。餐牌提供嘅選擇都幾多，有小菜亦有午餐，任君選擇。首先，叫咗一個細嘅蠔餅，見佢標榜使用鴨蛋，一於試吓有咩分別。新鮮炸起，都好快上菜，賣相一流，而且香噴噴。炸粉唔會太厚，而且落足料真係每啖都有幾粒蠔。 兩個人食所以諗住嗌細份驚食唔曬，但係都好大塊潮式打冷叫滷水係例牌啦，揀咗去骨嘅鵝片，睇得出鵝肉唔算太肥，而味道亦好香濃。最後呢一窩蟹粥，鮮味非常突出，蟹腳好多肉仲好鮮甜。餐廳食物整體份量好多，適合大食人士或者多啲人一齊嚟分享。