潮味莊

【油尖旺區】【潮味莊】同美女朋友食飯，佢搵咗呢間潮州嘢，話想食，咁我就梗係捨命陪君子啦。餐廳個位喺油麻地同佐敦中間，但係都幾多人喺度食。我哋叫咗唔少嘢，先有 $60 嘅「香煎牙帶魚」，都幾失望，唔熱之餘，煎得都唔夠香口。可能我食過好好食嘅，所以有啲失望。之後到 $128 嘅「滷水拼盆」，應該係拼盤啦，但係都係麻麻哋，係個墨魚唔錯咁囉。跟住嚟咗 $108 嘅大「鴨蛋蠔餅」，味道可以喎，啲蠔都幾香口，大大啖食落口非常邪惡。本身諗住叫個細嘅，美女朋友話佢想食多啲，就叫大嘅，就係咁而叫咗個大嘅。跟住食 $60 嘅「鮮雞粥」，味道 okay 但略嫌啲雞骨碎咗啲。嘢飲方面，要逐杯叫，我飲 $22 嘅「凍檸樂」，滋潤解渴，甘甜可口，個味道非常之凍檸樂嘅。而 $20 嘅「凍利賓納」係美女朋友點嘅，我相信味道都正常嘅。埋單 $398，食到好飽，合理。。。（地址：油麻地吳松街1-3號創遠樓地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #佐敦 #油麻地 #潮味莊 #香煎牙帶魚 #鮮雞粥 #滷水拼盆 #鴨蛋蠔餅 #凍檸樂 #凍利賓納 #1am1924 #1ambackup…查看更多

潮州打冷一向係宵夜好選擇，油麻地呢間《潮味莊》就係其中一個熱鬧聚腳點，開到凌晨 2:30，近佐敦站都好方便。入面環境真係有d逼，幾張枱拍埋一齊，但反而令到成間舖好有「街坊 feel」，坐低就聽到隔離枱笑聲，氣氛好旺。店員態度好親切，落單快手，價錢合理，啱晒同朋友食吓潮州風味啤一啤!😋 潮式凍魚大眼雞 ~ 魚肉雪白，肉質結實，味道鮮甜冇腥味，凍魚係打冷必食之選！😋 滷水鵝片 ~ 另一樣潮州打冷必食嘅就係滷水，鵝片滷得入味，色澤深啡但唔會死鹹。鵝肉帶少少韌度，配埋滷水花生一齊食係幾正。😋 韭菜豬紅 ~ 豬紅滑溜，入口即化，冇腥味。韭菜炒得香口，帶少少爽脆。😋 鴨蛋蠔餅 ~ 蠔仔新鮮，唔算大粒但夠鮮甜，煎到外脆內嫩，呢度係用鴨蛋煎出嚟個蛋香更濃。😋 椒鹽九肚魚 ~ 炸到外脆內軟，椒鹽味好突出，加上炸粉唔算厚，唔會太油膩。…查看更多

一家人一齊食飯，沒注意，求其網上搵到呢一間， 中午打電話訂枱，晚上七點鐘都有枱。 準時去到， 見到裏面星期六晚都冇乜人， 已經覺得唔係好對路， 睇下其他枱 嘅客枱上食嘅菜， 賣相麻麻地， 心裏面已經覺唔妥， 所以落單唔敢叫咁多住。 果然冇錯， 叫咗幾樣，起碼有一半係失望嘅。 我係潮州人， 對於呢啲家鄉餸 好熟悉， 最失敗係個 潮州三寶， 好細碟 50蚊， 都算喇， 啲鹹菜唔知擺咗幾耐， 變曬色， 仲有防腐劑味。 嗰啲蜆肉同鹹魚仔腥到不得了， 成碟冇食。 嗰碟掌翼好乾， 一睇就知道用比較細隻嘅鵝 ，都算喇。 嗰碟普寧豆腐完全唔正宗， 味道有啲怪，根本唔係咁樣煮 。嗰兜鹽水， 得少少，畀多啲都唔得咩。 嗰碟蠔餅， 又係失敗， 第一 ，食唔到有蛋味， 第二， 啲粉都未攪勻， 食落仲有粉， 失敗。 全晚最好食嘅 就係碗白粥， 總之冇下次。…查看更多

上星期六朋友推介這間在佐敦附近的潮州打冷菜館, 我們大約7：30左右到, 基本上全場爆滿,我們等了20分鐘左右才可入座.因為我們只得4人不可以食太多菜式, 基本要食當然潮州鹵水系列.同行朋友推介鵝腸, 我們點了雙併鵝腸併豆腐（$108）.鹵水豆腐有驚喜~外表脆脆,咬下充滿鹵水汁好juicy.鵝腸很爽脆😋霸王脱骨豬手($128)~果然超級軟滑, 可惜未做到入口即溶的感覺. 不過也不算太差.煎蠔餅（大份$108, 細份$92）~ 沒有鴨蛋香味,蠔仔肉也比較偏細粒. 真心麻麻地. 潮州鮮蟹粥（$173）~ 失望, 蟹肉少,除了蟹肉還有幾隻蝦仔. 胡椒粉&薑味太濃又辣,完全蓋過海鮮粥該有的鮮甜味道😔薑汁炒芥蘭 （$70）~ 最正常的菜,可惜薑汁味偏淡. 總結：地點也算遊客區（近油麻地廟街）, 4人食了$660 有4杯飲品 （人均$165）. 價格都不算太貴,而且有冷氣,比起坐戶外打冷餐廳都算合理吧. …查看更多

第一次食呢間打冷，好彩一早打電話去Book位，去到門口排晒隊，我哋一行5人，叫咗9樣嘢+飲品，人均都係195蚊，平均100蚊左右一樣嘢食，都OK,食物都好有鑊氣，好好食，蠔仔粥完全唔腥，蠔餅脆口唔會一pat嘢，椒鹽九肚魚我覺得係最好食，所有食物都夠熱，唯一我係覺得墨魚同鵝腸鹵得唔夠入味，可以更好。。。。樣樣都算係足份量。。。人流好多，車輪轉，一枱走，一枱入，枱同枱之間都好近，環境空間方面略為失色，因為人流多，門口外面排晒隊，所以都唔好意思坐耐d傾下偈，如果想暢談一番嘅話就未必一個好選擇。。。。BTW職員嘅服務都唔錯，打仗咁嘅環境都仲keep到，算係咁啦！幾位朋友一致認為，可以再Encore 。…查看更多