潮興隆

營業中

休息中

跟同事加班後，好想食潮州嘢，剛好仲有一張台，唔係就要排隊喇😅鈡意佢有粥、粉、面飯又有潮州特色小食，小炒👍珍珠蠔仔肉碎粥🦪蠔仔都好大粒，好新鮮肥美，方魚加上芹菜肉碎特別香，一碗接一碗😋沙嗲牛肉炒河沙茶味好香，果條好幼滑加雞蛋絲又唔會炒到碎碎，牛肉嫩，沙嗲汁真係好正，唔會好甜，跟果條牛肉兜亂食，好正宗潮汕風味😋小食-普寧炸豆腐外皮炸香脆，但內就滑滑，配上咸水，減輕熱氣但又提升豆腐香👍蝦棗拼粿肉🦐蝦棗好爽口，粿肉帶點肥肉，馬蹄好惹味，點上咭油，更嚟潮州風味😍配上一材冰凍甘草羅漢果，又消暑清熱解渴。滿足😊