潮興隆

營業中

休息中

今晚黎左銅鑼灣登龍街搵野食，呢條街時不時都轉新鋪，冇咁上下真功夫都做唔住，見有好幾間鋪都轉哂，試一試先。今晚食下呢間新開既潮州小店 - 潮興隆，呢間小店見佢主打潮洲粉面之外，仲有唔少潮州小菜同小食，如果平時返工lunch都可以黎試下啲粉面類。鮑魚海參撈麵 $98今晚試試佢個招牌鮑魚海參撈，見佢喺餐牌抹晒好味咁。上枱時面嘅份量都幾大碗，我本身以為佢鮑魚同海參係完件上嘅，但其實佢係切碎咗再加埋一啲芡汁咁上菜。佢配料都幾豐富嘅，除咗鮑魚粒同海參粒之外，當中仲有一啲香菇粒，鮑魚同海參雖然係切開咁上，但每粒都幾大件，特別係啲海參。反而味道上同我想像中有啲唔同，可能係潮式嘅關係，佢味道除咗鹹香之外仲帶少少酸味，撈埋啲麵食都幾開胃嘅。面方面就用咗鹼水麵，不過食落冇鹼水味。芝麻雞翼 $28另外我仲叫咗一個芝麻雞翼小食，上碟時係兩隻雞全翼，雞翼本身有煎香過，然後再加芡汁去煮，面頭再灑咗芝麻，味道上比較偏甜身啲，食落都幾好既。