信州日本料理

營業中

休息中

好耐無返西環，於是襯假日返去行下，行下行下就行到去堅尼地城個海旁，好舒服。差岩撞到舊同學，於是一齊食個晏，佢帶左我嚟呢間信州，望唔到海景但感覺好優閒。我點左沖繩海葡萄+海膽+三文魚丼 （$188）而朋友點左燒鰻魚御膳 （$138），呢兩個都係午市套餐所以包沙律前菜、茶碗蒸蛋同味噌湯。沙律有芝麻醬同醋汁所以帶微酸令人開胃。蛋好滑，而且入面有冬菇、蟹柳、日本魚旦片，增加口感及味道。 鰻魚份量比預期中的多。外層燒至微脆可口，肉厚及肉質肥美，而鰻魚下有紫菜，十分香口，加上鰻魚汁，拌飯一流！海葡萄好特別，粒粒爽脆帶海水咸味；三文魚腩肉厚脂香味濃；而海膽無腥味且香濃，拌飯亦都唔錯！