牛霸王

營業中

休息中

朋友話觀塘工廈有一間好有人氣嘅日式漢堡扒，作為日式料理愛好者當然要黎試下佢！🤪即刻叫左佢招牌既兩個漢堡扒丼飯，睇下有咩特別先！佢既丼飯醬汁有三種可以選擇：- 秘制漢堡汁- 咖喱汁- 白味增汁而配菜可選擇：- 辣泡菜- 芥辣酸瓜我就揀左招牌手打和牛漢堡蘭王蛋丼飯，用左澳洲和牛肉，油脂的確好香！食落口係肉汁多到爆，加上佢個醬汁小小甜酸，真係正到爆👍👍而小小辣既泡菜又可以中和左佢既油膩既感覺，令你食到停唔到口！值得一提係佢選用日本米同埋蘭王蛋，蛋汁沿住配菜同埋漢堡扒流落個飯度，真係好震撼！令到個丼飯生色不少！同場加映叫埋佢個手打芝士安格斯漢堡蘭王蛋飯，一樣非常好味！佢選用既係安格斯牛肉，肉味比較濃，ロ感稍微厚實少少而多左層芝士既奶香味！依個應該係芝士愛好者必點既丼飯！！😳😳小食試左佢既唐揚魷魚咀 and 和風沙律，最正係佢既魷魚咀細細粒但炸得非常香脆！配上沙律醬好好食😍 整體而言依個價位可以食到甘高既質素係非常難得！誠意滿滿！一定再黎😍😍